Illugi styður Odee: „Markmiðið greinilega að kenna fólki að ekki svo mikið sem anda á Samherja“

Illugi Jök­uls­son leggur lista­mann­inum Odee lið við að safna pen­ing fyrir mála­ferlum Samherja á hendur honum.

Í nýlegri færslu á Facebook hvetur fjöl­miðla­mað­ur­inn Illugi Jök­uls­son, fólk til að fara inn á söfn­un­ar­síðu sem Oddur Eysteinn Frið­riks­son, sem kallar sig Odee, bjó til svo hann geti staðið straum að mála­ferlum gegn honum en Samherji hefur höfðað mál gegn lista­mann­inum vegna loka­verk­efnis hans hjá Lista­há­skóla Íslands. Loka­verk­efni hans var fölsuð afsök­un­ar­beiðni Samherja vegna Namib­íu­máls­ins svo­kall­aða.

Illugi segir að Samherji ætli sér að „kné­setja“ Odee „fyrir að hafa vogað sér að draga dár að fyr­ir­tæk­inu.“ Færsluna má lesa hér að neðan.

„Samherji ætlar að kné­setja lista­mann­inn Odd Eystein Frið­riks­son fyrir að hafa vogað sér að draga dár að fyr­ir­tæk­inu. Það fer í mál við hann í London, þar sem Þor­steinn Már veit að lög­fræði­kostn­aður er brjál­æð­is­legur, jafn­vel þótt mál vinn­ist, og mark­miðið greini­lega að kenna fólki að ekki svo mikið sem anda á Samherja. Oddur Eysteinn hefur opnað þessa söfn­un­ar­síðu til að eiga fyrir lög­fræði­kostn­aði, því hann gefur ekki tommu eftir. Endilega skoðið og leggið eitt­hvað af mörkum ef þið getið.“