Augu margra hafa beinst að fyrirtækinu EstroLabs þar sem þau auglýsa hormónalyf sem hafa reynst vera fölsuð. Nýnasistasamtök eru talin standa á bakvið svikin sem helst hefur bitnað á transfólki. Hið íslenska fyrirtæki Withheld for Privacy, tengist málinu.
„Það er alveg nóg að þú vitir bara fyrra nafnið. Ég svara í símann hérna,“ segir Ása, starfsmaður Withheld for Privacy í viðtali við Vísi. Fyrirtækið er búsett á Kalkofnsvegi 2 á hafnartorgi.
Í viðtali við Vísi segir Ása að Withheld for Privacy sé ekki hýsingarfyrirtæki. „Við bjóðum upp á þannig þjónustu að fólk geti notað okkar upplýsingar í staðinn fyrir þeirra sem eiga heimasíðuna. Contact upplýsingarnar eru faldar,“ segir Ása.
Þegar blaðamaður Vísis spurði hvort fyrirtækið veiti netglæpamönnum skálkaskjól segir hún blaðamanni að beina spurningum sínum til Arisóna í Bandaríkjunum þar sem lögfræðideild fyrirtækisins, NameCheap.com er búsett.
Október, 2022 kom í ljós að þrjú ráðuneyti á Íslandi ynnu að því að koma í veg fyrir falda slóð netglæpamanna hér á landi. Ráðuneytin voru, menningar- og viðskiptaráðuneytið, dómsmálaráðuneytið og háskóla-, iðnaðar-, og nýsköpunarráðuneytið. Afraksturinn hefur enn ekki verið kynntur.
Twitter aðgangurinn „QueerQuirk“ hefur vakið mikla athygli síðastliðnar vikur þar sem aðgangurinn auglýsir fölsk hormónalyf.
„Við erum formlega plöggið ykkar til að fá hormónauppbótarmeðferðartöflur án lyfseðils,“ segja EstroLabs á Twitter-síðu sinni.
Fyrirtækið EstroLabs hefur boðið transfólki upp á hormónalyfið sem nefnist: „I Cant Believe Its Not Estrogen“ en fólk var ekki lengi að átta sig á að um væri svik að ræða. Markhópur fyrirtækisins var aðallega transfólk þar sem EstroLabs seldi sem átti að henta transfólki vel.
Töflurnar eru 60 í boxi og eru seld á 6.000 íslenskar krónur og innihalda þær Ashwagandha. Varan reynist aðeins hækka testósterón en ekki hækka estrogenið. Ashwagandha er notað til stressminnkunar en engin sönnun er fyrir því að það virki einnig til að bæta estrogen framleiðslu líkamans.
Rukkunaraðferð fyrirtækisins þótti áhugaverð þar sem fólki var ætlað að greiða nýnasistasamtökunum Patriot Front fyrir vöruna en greiðandi var sendur á PayPal reikning samtakana.
Eftir klofning nýnasistasamtakanna Vanguard árið 2017, urðu til nýnasistasamtökin Patriot Front og hafa samtökin staðið fyrir ýmsum óreiðum.
Á heimasíðu þeirra voru mikið af fólki sem sögðu vöruna tilvalna fyrir transfólk, kom þó í ljós síðar að athugasemdirnar voru falsaðar en ein þeirra innihélt ljósmynd sem stolið var af notanda Reddit. Greinir Vice frá.
Töflurnar innihalda fjórum sinnum meira Ahwagandha-magn heldur ráðlagður skammtur segir. Ráðlagður dags skammtur er 250-600 mg, en mælir EstroLabs með 2.400 mg á dag. Of mikill skammtur Aswaghandha getur valdið uppköstum og í einhverjum tilvikum getur það leitt til lifrabilunar.
Óljóst er hvort einhverjir hafii keypt vöruna en „QueerQuirk“ segir á Twitter að alls hafi 284 manns keypt lyfið.
Segja margir að í besta falli sé þetta alvarlegur nethrekkur en í versta falli sé þetta vísvitandi eitrun, þar sem lyfið getur reynst mjög skaðlegt.
Lokað hefur verið fyrir heimasíðu þeirra og hefur varan verið tekin úr sölu.
Athugasemdir