Telja að Pólverjinn hafi verið stunginn til bana: „Áverk­ar á mann­in­um sem benda til þess“

Maðurinn sem fannst lát­inn í Hafn­ar­firði í gær­morgun er tal­inn hafa verið stung­inn til bana. Áverkar á líki manns­ins gáfu slíkt í skyn að sögn Gríms Gríms­sonar, yfir­manns mið­lægrar rann­sókn­ar­deildar lög­regl­unnar.

„Það voru áverk­ar á mann­in­um sem benda til þess að þeir hafi verið veitt­ir af öðrum ein­stak­lingi,“ seg­ir Grím­ur Gríms­son í sam­tali við mbl.is, aðspurður hvers vegna lög­reglan telji að um morð sé að ræða. „Við göng­um út frá því að það hafi verið not­aður hníf­ur til þess að stinga hann,“ bætti Grím­ur við. Ekki vildi hann tjá sig um það hvort morð­vopnið sé í haldi lög­reglu.

Eins og áður hefur komið fram í fréttum rann­sakar lög­reglan and­lát pólsks manns á fimm­tugs­aldri en hann fannst lát­inn í iðn­að­ar­hverfi í Hafn­ar­firði. Það var á sjötta tím­anum í gær­morgun sem lög­reglu barst til­kynn­ing um and­látið.

Er við­bragðs­að­ilar komu að var hinn látni án með­vit­undar utandyra en end­ur­lífg­un­ar­til­raunir báru ekki árangur. Taldi lög­reglan að hann hafi verið myrtur.

Pólskur karl­maður um fer­tugt var í gær úrskurð­aður í gæslu­varð­hald til fimmtu­dags, af Hér­aðs­dómi Reykja­ness, vegna gruns um að hafa ráðið mann­inum bana. Í upp­hafi voru tveir menn í haldi lög­reglu en annar þeirra var svo sleppt en lög­reglan krafð­ist ein­ungis gæslu­varð­halds yfir öðrum þeirra.