Í maímánuði mældust brottfarir ferðamanna rúmlega 158 þúsund en það er annar stærsti maímánuður frá upphafi mælinga. Metárið 2018 mældust brottfarirnar rúmlega 165 þúsund.
Við lok maímánaðar höfðu tæplega 720 þúsund ferðamenn yfirgefið landið en líta þarf til áranna 2017 og 2018 til að sjá hærri tölur. Til samanburðar höfðu rúmlega 450 þúsundir erlendra ferðamanna yfirgefið landið á sama tíma í fyrra.
Það sem af er ári eru Bandaríkjamenn fjölmennastir ferðamanna, eða rúmlega 158 þúsund, en Bretar koma þar á eftir, eða alls rúmlega 137 þúsund, en athygli vekur að aðeins tæplega 7 þúsund Bretar yfirgáfu landið í maí. Þar á eftir eru Pólverjar, Þjóðverjar og Frakkar fjölmennastir.
Fjölgun ferðamanna frá árinu í fyrra minnir margt á þá aukningu sem varð milli áranna 2016 og 2017, en í kjölfarið sáum við svo metárið 2018.
Hvað segja lesendur, munum við sjá nýtt metár í ferðamennsku árið 2024?
Gögn fengin á vef Ferðamálastofu.
Athugasemdir