Suður kóreska popp­stjarnan Choi Sung-bong fannst látin í gær, aðeins 33 ára að aldri. Talið er að hann hafi framið sjálfs­víg.

Lög­reglan fann lík hans heima hjá honum í Yeoksam-dong umdæm­inu í Seúl, klukkan 21:41 í gær, sam­kvæmt The Korean Times.

Birti kveðjubréf á YouTube

Popp­stjarnan sló í gegn í Korea´s Got Talent árið 2011 en síðar skrif­aði hann undir plötu­samn­ing við Bon Bong Company. Fregnir af hinum sorg­legu enda­lokum hans koma tveimur árum eftir að upp komst um svindl hans en hann þótt­ist glíma við alvar­legt krabba­mein.

Choi grát­bað millj­ónir aðdá­enda hans um að styrkja hann fjár­hags­lega, svo hann gæti haft efni á að glíma við krabba­meinið. Eftir að upp komst um svikin sendi popp­ar­inn frá sér afsök­un­ar­beiðni tár­votur um augun þar sem hann lof­aði að skila styrkj­unum sem áhyggju­fullir aðdá­endur hans hafi verið svo ljúfir að gefa honum.

Daginn áður en hann tók sitt eigið líf, birti Choi texta skila­boð á YouTube rás sinni þar sem hann baðst afök­unar á „heimsku­legum mis­tökum“ for­tíð­ar­innar.

Í hinum óhugn­an­legu skila­boðum sagð­ist söngv­ar­inn þurfa að „gjalda fyrir syndir sínar með lífi sínu.“ sagði hann enn­fremur: „Ég biðst inni­legrar afsök­unar til allra sem þjáðst hafa vegna þess­ara heimsku­lega mis­taka minna.“ Sagðist Choi hafa verið búinn að borga til baka alla styrk­ina sem hann fékk.

Aðstæð­urnar á heim­ili Choi sem og skila­boðin á YouTube, urðu til þess að lög­reglan komst að þeirri nið­ur­stöðu að um sjálfs­víg var að ræða.

Svindlið

Choi, sem kall­aður var hinn kóreiski Paul Potts, hélt því fram að hann hefði verið greindur með alls þrjár teg­undir krabba: Ristil­krabba­mein, skjald­kirtil­skrabba­mein og krabba­mein í blöðru­háls­kirtli.

Hneikslis­bylgja reið svo yfir þegar í ljós kom að allt saman var lygi. Í upp­hafi neit­aði Choi því alfarið að hafa logið til um krabba­meinin og birti meðal ann­ars nið­ur­stöður lækna en svo kom á dag­inn að þær reynd­ust fals­aðar.

Þá sætti hann einnig ásök­unum og gagn­rýni um að hafa sóað upp­hæð­inni, einum millj­arði, sem hann fékk í söfn­un­inni, í skemmt­ana­kostnað.

Til voru sann­anir fyrir öllum ásök­unum á hendum honum og svo fór að lokum að söngv­ar­inn baðst afstök­unar á mis­tökum símum og við­ur­kenndi að hann hefði svikið fé af aðdá­endum sínum. Hætti hann söng­ferl­inum og hóf nýtt líf sem starfs­maður veit­inga­staðar.

Erfið æska

Eftir að Choi keppti í Korea´s Got Talent árið 2011, sló mynd­band af honum úr keppn­inni ræki­lega í gegn á YouTube en yfir 21 millj­ónir horfðu á það. K-pop stjörnur á borð við BoA og Jung-Hwa Um deildu því á sínum sam­fé­lags­miðlum. Í mynd­band­inu segir Choi frá erf­iðri æsku sinni en hann var skil­inn eftir á mun­að­ar­leys­ingja­heim­ili þriggja ára gam­all og strauk frá heim­il­inus fimm ára til að flýja bar­smíðar þeirra. Næstu tíu árin vann hann við að selja jórt­ur­leður og orku­drykki en hann bjó á göt­unni. Þá var mennta­skóli fyrsti skól­inn sem hann sótti.

Choi sagði að „lífið væri full­komnað“ eftir að Justin Bieber ós yfir hann hrósum á Facebook-síðu sinni: „Þetta er frá­bært. Aldrei að segja aldrei og gangi þessum drengi vel. Frábær saga.“

Fréttin er unnin upp úr frétt Mirror.

Hér má sjá mynd­bandið fræga:

Ef ein­stak­ling­ar glíma við sjálfs­vígs­hugs­an­ir er bent er á Hjálp­arsíma Rauða kross­ins 1717 og net­spjall Rauða kross­ins 1717.is. Opið allan sól­ar­hring­inn. Einnig má hafa sam­band við Píeta-sam­tök­in sem veita ókeyp­is ráð­gjöf í síma 552-2218, allan sól­ar­hring­inn. Net­spjall Heilsu­veru þar sem svarar hjúkr­un­ar­fræð­ingur er líka opið frá kl.8-22 alla daga. Fyrir þau sem misst hafa ást­vin í sjálfs­vígi má fá stuðn­ing í sorg hjá Sorg­ar­mið­stöð og hjá Pieta sam­tök­unum.