Þetta voru þeir sem létust um borð á kafbátnum Titan „Þeir voru mjög nánir“

Bresku feðgarnir Shahzada Dawood og Sulemon Dawood voru á meðal þeirra fimm sem létu lífið þegar umdeildi kaf­bát­ur­inn Titan féll saman. Dawood fjöl­skyldan sendi frá sér yfir­lýs­ingu þar sem nánu sam­bandi feðganna var lýst.

Titan var byggður á vegum fyr­ir­tæk­is­ins Ocean Gate og hefur vakið heims­at­hygli. Öryggi kaf­báts­ins var dregið í efa en í við­tali sýnir for­stjóri fyr­ir­tæk­is­ins, Stockton Rush óhefð­bund­inn búnað báts­ins sem stýrt var með leikja­fjar­stýr­ingu. Tveimur sér­fræð­ingum á vegum fyr­ir­tæk­is­ins var sagt upp störfum eftir að þeir tjáðu áhyggjur sínar af öryggi kaf­báts­ins.

Titan rúm­aði fimm far­þega og var á stærð við sendi­ferða­bíl. Ferðin kost­aði um 250 þús­und doll­ara eða rúmar 34 millj­ónir íslenskra króna. Fjórir far­þegar fóru ásamt for­stjóra Ocean Gate um borð í Titan til þess að sjá heims­fræga skipið Titanic með berum augum.

Stockton Rush var for­stjóri fyr­ir­tæk­is­ins Ocean Gate. Hann fædd­ist inn í efn­aða fjöl­skyldu. Árið 1984 útskrif­að­ist hann úr Princeton háskól­anum með verk­fræði­gráðu. Hann var giftur Wendy Rush sem var barna­barna­barn hjóna sem létu lífið um borð í Titanic. Stockton var 61 árs.

Stockton Rush.

Bretinn Hamish Harding seldi rík­ustu fyr­ir­tækjum heims flug­vélar. Fyrir ári fór hann í sex manna hópi í flug að jaðar geims­ins sem fyr­ir­tæki í eigu Jeff Bezos stóð fyrir. Í fyrra gaf fyr­ir­tæki hans sér­út­búna flug­vél sem notuð var til að flytja átta bletta­tígra frá Namibíu til Indlands til þess að gera þar nýjan stofn en dýrið hafði verið útdautt í land­inu síðan 1947. Hamish var 58 ára þegar hann lést.

Hamish Harding.

Paul-Henri Nar­geo­let var einnig um borð í Titan en hann var einn helsti Titanic sér­fræð­ingur heims. Hann leiddi sex rann­sókn­ar­ferðir að braki skips­ins og var á meðal þess hóps sem uppgvötaði brakið árið 1987. Paul var 77 ára.

Paul-Henri Nar­geo­let.

Shahzada Dawood og 19 ára sonur hans, Sulemon Dawood fengu far­miða með Titan á lækk­uðu verði eftir að nokkrir afþökk­uðu boð for­stjór­ans um skoð­un­ar­ferð að Titanic. Shahzada var sagður hafa brenn­andi áhuga á Titanic en sonur hans fór ótta­sleg­inn með honum í ferð­ina í til­efni feðra­dags­ins.

„Þeir voru nánir og helstu stuðn­ings­menn hvors ann­ars. Báðir deildu þeir þess­ari miklu ævin­týra­þrá.“

Eldri systir Shahzada sagði bróður sinn hafa verið hel­tek­inn af sögu Titanic. Hún segir Sulemon ekki hafa langað um borð í kaf­bát­inn og verið ótta­sleg­inn en hafi sam­þykkt að fara í ferð­ina til þess að gleðja pabba sinn í til­efni feðra­dags­ins.

Shahzada Dawood og 19 ára sonur hans, Sulemon Dawood.