AB-mjólkin kostar 859 krónur: „Krambúðin er bara okurbúlla“

„Kram­búðin er bara okur­búlla sem leggur áherslu á snakk, sæl­gæti gos og orku­drykki,“ skrifar Guð­mundur inn á grúpp­unni Vertu á verði á dög­unum. En þar skap­ast reglu­lega umræða um hátt verð­lag hjá Kram­búð­inni.

Blaða­maður Mannlífs fékk að reyna þetta á eigin skinni þegar hann átti leið um Hólmavík og kom við í Kram­búð­inni til að versla þar hreina AB mjólk frá Örnu. Óhætt er að segja að honum hafi brugðið þegar kom í ljós að fernan kost­aði 859 krónur en það er 46 pró­sent dýr­ara en Nettó selur fern­una á. Samkaup rekur bæði Nettó og Kram­búð­irnar sem eru 21 alls um allt land.

Mannlíf leit­aði við­bragða hjá Sam­kaupum og fékk neð­an­greint svar:
„Við verð­lagn­ingu í Kram­búð­inni og Nettó leit­umst við eftir því að hafa minni verð­mun á milli búð­anna þegar það kemur að svoköll­uðum lyk­il­vörum, eins og á heim­ils­brauði og létt­mjólk. Til að vega upp á móti því er mun­ur­inn á vörum sem við flokkum ekki sem lyk­il­vörur, eins og AB mjólk, er meiri. Þess má geta að mjólk­ur­vörur hafa hækkað mikið í verði síð­asta árið, og sér­stak­lega frá ára­mótum, og höfum við verið í sam­tali við birgj­ana okkar til að mæta þeim hækk­unum sem hafa komið inn til okkar – enda vill Kram­búðin vera góður kostur fyrir fólk á lands­byggð­inni og mæta þörfum þeirra eins og hægt er,“ segir í svari Samkaupa.

Blaða­maður Mannlífs leit­aði eftir frek­ari skýr­ingum og sendi eft­ir­far­andi póst:
„Ef AB mjólk telst ekki til lyk­il­vara hjá ykkur því munar svona miklu á AB mjólk frá Örnu en ekki frá MS. Nú er ég ein­göngu að miða við verð hjá Nettó“

Neð­an­greint svar kom þá frá þjón­ustu­borði Samkaupa:

„Munurinn á verð­inu á milli Örnu og MS skýrist á því að inn­kaups­verðið frá Örnu er hærra en frá MS því miður.“

Enn hélt blaða­maður Mannlífs áfram:
„Það sem ég skil ekki og er að reyna að fá svar við er af hverju mun­ur­inn á þessum tveimur vöru­teg­undum er svona mik­ill. Ég geri mér grein fyrir því að inn­kaups­verðið er ekki það sama og er vön verð­mun á þeim í öðrum versl­unum til dæmis er 70 króna munur í Krónunni.

Nettó.

MS AB mjólk

kr 459 krónur,

Arna AB mjólk

krónur 589 krónur. Munur 130 krónur.

Kram­búðin

.

MS AB mjólk

kr 529 krónur,

Arna AB mjólk

krónur 859 krónur. Munur 330 krónur.

Þetta passar ekki við að þetta skýrist ein­göngu af mis­mun á inn­kaups­verði.“

Enn hefur ekki borist svar frá Sam­kaupum varð­andi síð­ustu fyr­ir­spurn.