Nú er aðeins talið vera dagaspursmál hvenær Birna Einarsdóttir, bankastjóri Íslandsbanka, tekur pokann sinn. Katrín Jakobsdóttir, forsætisráðherra, hefur sagt stjórnendur Íslandsbanka rúna trausti og að þeir þurfi að axla ábyrgð. Í samtali við Vísi sagði hún blasa við hvað það þýði að axla ábyrgð. Heimildarmaður Mannlífs innan stjórnarliðsins segir að kraftaverk þurfi til að Birna standi af sér næstu daga. Hlutabréf í bankanum eru fallandi og stjórn bankans rúin trausti.
Stjórn Íslandsbanka hefur ákveðið að boða til hluthafafundar á næstu dögum. Viðmælendur Mannlífs á fjármálamarkaði telja örlög Birnu augljós, hún munu segja upp störfum fyrir hluthafafundinn, ellegar verði henni einfaldlega vikið úr starfi. Einnig má ætla af ummælum forsætisráðherra að hún vilji að stjórn bankans víki. Ekki er því ólíklegt að ný stjórn verði kosin á væntanlegum hluthafafundi.
Samruni Íslandsbanka og Kviku i hættu?
Stjórnir Íslandsbanka og Kviku banka hafa sagst tilkynna um niðurstöðu samrunaviðræðna fyrir helgi. Um er að ræða stærsta samruna Íslandssögunnar. Fjármálaráðherra hefur sagt mikil tækifæri felast á samrunanum til frekari hagræðingar í íslensku bankakerfi og hagstæðari fjármögnun. Mikill stuðningur mun vera meðal hluthafa bankanna um samruna og samlegðartækifæri sem í því felast. Á undanförnum vikum hafa forsvarsmenn bankanna átt í viðræðum og niðurstaðan er væntanleg fyrir helgi. Ætla má að hundruðum bankastarfsmanna verði sagt upp störfum samhliða væntanlegum samruna fyrirtækjanna.
Hverjir verða reknir?
Dagar Birnu bankastjóra og Ásmundar Tryggvasonar framkvæmdastjóra fyrirtækjasviðs virðast taldir. Ásmundur er framkvæmdastjóri fyrirtækjasviðs og undirmenn hans virðast hafa brugðist og lög brotin. Hann telst vera ábyrgur þar.Edda Hermannsdóttir samskiptastjóri bankans er jafnframt ein þeirra sem nefnd hefur verið um stjórnendur sem hafa misst traust innan bankans. Ríkharður Daðason, eiginmaður Eddu, er einn af þeim sem keypti í útboði bankans á sínum tíma.
Athugasemdir