Íslandsbanki hríðfellur í Kauphöllinni – Bjarni ætlar ekki að axla ábyrgð

Við­skipta­blaðið greinir frá því í dag að hluta­bréf Íslands­banka hafi lækkað um 3,51 pró­sent við lokun Kaup­hall­ar­innar í dag en þetta kemur ofan á tæp­lega 3 pró­sent lækkun gær­dags­ins.

Hluta­bréfa­verð bank­ans standi nú í 110 krónum á hlut en hafi staðið í 117 krónum fyrir helgi.

Gengi bank­ans hefur því lækkað umtals­vert í kjöl­far sáttar Íslands­banka og FME um tæp­lega 1,2 millj­arða króna sekt vegna lög­brota við fram­kvæmd á sölu á 22,5% hlutar rík­is­ins í bank­anum í mars síð­ast­liðnum. Gengi bank­ans hefur fallið um 6,38% síð­ast­lið­inn mánuð.

Samkvæmt frétt mbl.is seg­ist Bjarni Bene­dikts­son, fjár­mála­ráð­herra, ekki ætla að axla ábyrgð á brotum bank­ans og sagði ,,Það er alger­lega frá­leit hug­mynd ef stjórn­endur Íslands­banka fylgja ekki lögum og ekki eigin reglum, að þá eigi ráð­herra að segja af sér.“

Jafn­framt sagði Bjarni að bank­inn hefði brugð­ist sýndu trausti sem þáttak­andi í ferl­inu að selja eign­ar­hlut rík­is­ins í bank­anum.

Í mars síð­ast­liðnum greindi mbl.is í frétt sinni frá því að Umboðs­maður Alþingis óskaði eftir upp­lýs­ingum og skýr­ingum frá fjár­mála­ráð­herra, m.a. því hvort hæfi hans hafi verið full­nægt að því snertir söl­una á hlutum rík­is­ins í bank­anum til Haf­silf­urs ehf. sem er félag í eigu Bene­dikts Sveins­sonar, föður Bjarna.