Stjórnarformaður Íslandsbanka segir mikla vinnu framundan: „Traustið kemur ekki af sjálfu sér“

„Það er mikil vinna framundan hjá öllum deildum bank­ans. Traustið kemur ekki af sjálfu sér,“ segir Finnur Árnason, stjórn­ar­for­maður Íslands­banka, í sam­tali við Mannlíf um tíð­indi und­an­far­inna daga og brott­hvarf Birnu Ein­ars­dóttur banka­stjóra sem kvaddi starfs­fólk sitt í morgun eftir 30 ára starf í bank­anum. Hlut­hafa­fundur verður hald­inn í Íslands­banka þann 28. júlí næst­kom­andi. Þar kemur í ljós hvort breyt­ingar verða á stjórn bank­ans. Sjálfur kom Finnur inn í stjórn­ina nokkrum dögum áður en hið umdeilda útboð fór fram. Gengi á bréfum í Íslands­banka hækk­aði í morgun eftir tíð­indin um brott­hvarf Birnu af banka­stjóra­stóli.

Viðræður eru um sam­ein­ingu Íslands­banka og Kviku banka. Finnur seg­ist aðspurður ekki ótt­ast að við­ræður séu í upp­námi.

„Nei, þarna er ákveð­inni óvissu aflétt,“ segir Finnur.

Hann segir að það sé ekki á valdsviði stjórn­ar­innar að ákveða hvort fleiri starfs­menn en banka­stjór­inn hætti störfum í fram­haldi af skýrslu Fjár­mála­eft­ir­lits­ins. Nýr banka­stjóri taki slíkar ákvarð­anir.