Eftir ákvörðun mat­væla­ráð­herra um að banna veiðar á lang­reyði í sumar hefur Verka­lýðs­fé­lag Akraness það til skoð­unar að sækja bætur til Hvals hf. vegna tekju­taps sem starfs­menn verða fyrir vegna banns­ins.

Vil­hjálmur Birg­is­son, for­maður verka­lýðs­fé­lags­ins, segir að verið sé að und­ir­búa að stefna mál­inu til félags­dóms til að kanna rétt­indi félags­manna gagn­vart ákvörð­un­inni.

Þetta kemur fram í Fiski­fréttum.

Ef mál gagn­vart Hval hf. vinnst segir Vil­hjálmur að það liggi fyrir að Hvalur sé jafn­framt kom­inn með mál í hend­urnar gagn­vart rík­inu. Verði verka­lýðs­fé­lag­inu hins vegar ekki ágengt gagn­vart Hval hf. munu þau eðli máls­ins sam­kvæmt láta á það reyna gagn­vart rík­inu.

Vil­hjálmur lýsir bann­inu sem ger­ræð­is­legri, póli­tískri ákvörðun sem hvorki virð­ist byggð á neinni fag­mennsku né almennri skyn­semi varð­andi lög­fræði og spyr um sam­starfs­flokk­ana.

„Hvar eru sjálf­stæð­is­menn og hvar eru fram­sókn­ar­menn í þessu máli? Það er stóra spurn­ingin í mínum huga. Ég botna ekki í svona lög­uðu, sér­stak­lega vegna þess að það er æði margt sem bendir til þess að þessi ákvörðun mat­væla­ráð­herra stand­ist ekki lög. Ég spyr mig hvert póli­tíkin sé komin þegar að við erum komin á þann stað að þetta muni jafn­vel baka rík­inu skaða­bóta­skyldu og menn vita af því og ætla ekk­ert að gera með það.“