Dauðaslys við Sauðahnúka – Þrír fórust í flugslysi á hálendinu

Þrír fór­ust þegar lítil flug­vél agf gerð­inni Cessna fórst á hálendi Aust­ur­lands, við Sauða­hnúka, milli Horn­brynju og Hraun­garða.

Slysið varð um klukkan 17 í gær þegar vélin var á leið til Egils­staða úr könn­un­ar­flugi. Óttast var um vél­ina þegar boð bár­ust frá neyð­arsendi hennar. Far­þega­vél Icelandair sem var á leið til Egils­staða kom auga á flak vél­ar­innar og ferða­þjón­ustu­þyrla stað­festi svo að um væri að ræða flak Cessnunnar.

Lög­regl­an á Aust­ur­landi sendi út til­kynn­ingu um slysið og fer með rann­sókn máls­ins ásamt rann­sókna­nefnd sam­göngu­slysa. Rann­sókn máls­ins sé á frum­stigi og að ekki sé hægt að veita frek­ari upp­lýs­ing­ar um málið að svo stöddu.

„Klukk­an 17.01 í dag bár­ust stjórn­stöð Land­helg­is­gæsl­unn­ar boð úr neyð­arsendi lít­ill­ar flug­vél­ar af gerð­inni Cessna. Þegar var haft sam­band við flug­stjórn­ar­mið­stöð­ina sem stað­festi að vél­in hefði verið á flugi yfir Aust­ur­landi og að um borð væru auk flug­manns tveir far­þegar,“ seg­ir í til­kynn­ingu frá Land­helg­is­gæsl­unni

„Um sjöleytið í kvöld fannst vél­in brot­lent við Sauða­hnúka. Þyrla Land­helg­is­gæsl­unn­ar lenti á vett­vangi en flug­maður og far­þegar Cessna vél­ar­inn­ar voru látn­ir þegar að var komið,“ segir í til­kynn­ingu lög­regl­unnar.

Slys­stað­ur­inn er um 50 kíló­metra frá Egils­stöðum.