Læknar vara foreldra við neyslu á vinsælum orkudrykk: „Enn eitt skólabarnið þurfti læknisaðstoð“

Læknar vara við orku­drykknum Prime vegna mik­ils koff­ín­inni­halds. Drykk­ur­inn er fram­leiddur af YouTube stjörn­unum Logan Paul og KSI en hann hefur notið gríð­ar­legra vin­sælda hjá börnum um allan heim, þar á meðal hér á landi.

Fyrsta teg­und drykkj­ar­ins, Prime Hydration seld­ist upp um allt land þegar hann kom fyrst í versl­anir undir lok síð­asta árs. Í Bret­landi var sömu sögu að segja en þar mynd­að­ist gríða­legur fjöldi fólks í öllum versl­unum sem seldu drykk­inn.

Nýlega hófst fram­leiðsla á öðrum drykk, Prime Energy en í honum er mikið magn koff­íns. Um 140 milli­grömm af koff­íni eru í 330 milli­lítra dós af Prime en til sam­an­burðar eru 80 milli­grömm í 250 milli­lítra dós af orku­drykknum Red Bull. Hefð­bund­inn kaffi­bolli inni­heldur um 95 milli­grömm af koff­íni. Margir vör­uðu við neyslu Prime Hydration en hann inni­heldur A vítamín sem getur valdið eitrun.

Umbúðir drykkj­anna tveggja eru keim­líkar og eru því ekki allir for­eldrar með­vit­aðir um hvort börn þeirra séu að neyta íþrótta­drykks sem inni­heldur ekk­ert koffín eða nýja orku­drykkj­ar­ins. Nokkuð mörg til­felli eru um ofneyslu orku­drykkja en á dög­unum þurfti að tæma maga ungs drengs í Bret­landi eftir neyslu hans á Prime orku­drykk­mnum en hann sýndi merki um hjarta­á­falll.

„Enn eitt skóla­barnið þurfti lækn­is­að­stoð eftir neyslu orku­drykkja. Þetta er stórt áhyggju­efni. Orku­drykkir eru hættu­legir börnum. Þeir valda höf­uð­verkjum, svima, kvíða og svefn­leysi. Þetta ættu allir for­eldrar að vera með­vit­aðir um,“ sagði lækn­ir­inn Dr. Deborah Lee.

Hvorki Prime Hydration né Prime Energy eru við hæfi barna undir 16 ára aldri.