Stysta leiðin að gosinu er frá Höskuldarvöllum

Stysta leiðin að gos­inu í Litla-Hrút er að ganga frá Hösk­uld­ar­völlum og áleiðis að Keili. Frá upp­hafs­staðnum að áfanga­stað við gosið eru um fimm kíló­metrar. Slóði er frá Odda­felli, þar sem gangan hefst, að Keili. Eftir að komið er til móts við Keili er gengið um úfið land, fram­hjá Litla-Keili, til að kom­ast að gos­inu við Litla-Hrút. Viðbúið er að gangan taki allt að tveimur klukku­stundum.

Athugið að kanna fyrir brott­för hvort enn er lokað að gos­s­töðv­unum og hvernig staðan er á gos­inu, hvað varðar gasmengun. Þannig er nauð­syn­legt kynna sér vind­áttir og forð­ast að ganga í reyknum og gas­inu frá gos­inu. Þá er nauð­syn­legt að átta sig á því að gos­gang­ur­inn liggur frá Litla-Hrút og undir Keili.

Vegurinn frá Reykja­nes­braut að Hösk­uld­ar­völlum er merktur Keili. Hann er mjög grófur og getur verið skað­legur smærri bílum. Um er að ræða 10 kíló­metra sem eru afar sein­farnir. Vegurinn er í einka­eigu bónd­ans á Vatns­leysu.

Hefð­bund­ari leið er að leggja upp frá bíla­stæð­inu milli Skála-Mæli­fells og Slögu. Ferðin hefst þá við læst hlið. Gengið eða hjólað er eftir veg­slóða sem nær alla leið að Litla-Hrúti. Það ferða­lag er sam­an­lagt, fram og til baka, 20 kíló­metrar. Hækkun er sára­lítil. Algeng­ast hefur verið að fara þá leið á reið­hjólum þar sem bíla­um­ferð er bönnuð.

Aðeins eru tæpir þrír kíló­metrar frá gömlu gos­s­töðv­unum við Kistu­fell og að nýja gos­inu.