Bílstjórinn sem olli næstum því stórslysi með glæfraakstri á vörubíl með tengivagni hefur verið sagt upp störfum hjá Samskipum og verður yfirheyrður af Lögreglunni á Vesturlandi.
Vegfarandi mun hafa lýst því að vöruflutningabíllinn hafi verið búinn að taka fram úr fimm bílum þegar bíll kom úr gagnstæðri átt og til að forðast árekstur hafi hann þurft að sveigja inn á réttan vegarhelming með þeim afleiðingum að bíll á þeim vegarhelmingi þurfti að aka út í kant til að forðast árekstur við trukkinn.
Í kjölfarið mun bílstjórinn svo hafa virt vegaframkvæmdir að vettugi þar sem bundið slitlag varð að malarvegi. Hann hafi þar ekki slegið af hraðanum með þeim afleiðingum að grjóti hafi rignt yfir nærstadda bíla og valdið skemmdum.
Samskip hafa lýst því yfir að ökulagið sem sést á myndböndunum samræmist á engan hátt verklagi þeirra né öryggiskröfum.
Athugasemdir