Útlendingastofnun vísar út hælisleitanda: Móðir og 12 ára barn á götuna

Eva Hauks­dóttir, lög­maður, birti fyrir stuttu mynd­band á Facebook þar sem hún stendur fyrir utan hús­næði í Suð­ur­hlíð þar sem fólk með virkar umsóknir um alþjóð­lega vernd Íslandi dvelur.

Hún vekur athygli á því að þar dvelji kona sem vill fá að draga umsókn sína til baka og fá að fara til Ítalíu, þar sem hún er einnig með hæl­is­um­sókn en þar sem neyð­ar­á­standi hefur verið lýst þar í landi kemst hún ekki þangað.

„Þetta er sem sagt í alvöru að ger­ast. Útlend­inga­stofnun lagði það fyrir örygg­is­vörð hér að henda konu með 12 ára gam­alt barn út á götu. Konu sem að getur ekki farið lönd né strönd vegna þess að ríkið er með vega­bréfið hennar. Hún á engan rétt á að vera hér, hún á heldur engan rétt á að vera á Ítalíu, hún er hvergi vel­komin í heim­inum og barnið hennar ekki heldur. Þetta er staðan. Þetta er að ger­ast í alvöru,“ segir Eva meðal ann­ars í mynd­skeið­inu.

Eva mun ekki hafa fengið að hitta kon­una en hún ræddi við örygg­is­vörð sem hafi fengið skipun um að henda kon­unni út og jafn­framt kalla til lög­regl­una ef hún feng­ist ekki til að fara. Hún leið­beindi þá örygg­is­verð­inum að hringja í lög­regl­una strax svo hún gæti rætt við lög­regl­una þegar hún kæmi.