Tolli Morthens verður gestur Reynis í næsta þætti Sjóarans þar sem hann fer yfir ansi skraut­legt lífs­hlaup, bæði til sjós og lands. Þáttinn verður hægt að sjá í heild sinni næst­kom­andi mið­viku­dag, 26. júlí á efn­isveitu Mannlífs, en hér að neðan er brot úr þætt­inum.

Hann lýsir því hvernig það bar til að hann var rek­inn úr Mynd­lista­skól­anum í kringum 1980, þá á fyrsta ári, en hann hafði samið við deild­ar­kennar­ann sinn um það að hann hefði rúma mæt­ing­ar­skyldu, hann þyrfti ekk­ert að mæta en skila sínum verkum, þar sem hann var ennþá til sjós sam­hliða nám­inu sínu.

Hann hafði verið í málsvari fyrir nýlista­deild skól­ans en ein­hverjum klass­ísk­ari kenn­urum innan skól­ans fannst þetta verla vera mynd­list og lang­aði að loka deild­inni auk þess sem að hann var að vinna concept verk m.a. byggt á ljós­myndum um borð í skipum sem hann var á og útprent­unum úr dýpt­ar­mæl­unum sem voru þá í lit.

„Þetta fór fyrir brjóstið á sóla­stjór­anum, Einari Hákon­ar­syni – þeim ágæta manni, og fleiri kenn­urum því þeim fannst ég vera svo hroka­fullur, og reyndar, ég var það alveg; ég gengst við því, skil­urðu … það voru alvöru átök og hann sig­aði lögg­unni á okkur. Við vorum með eitt­hvað djamm fram undir kvöld í skól­anum sem tengd­ist ein­hverju slútti og eitt­hvað. Við vitum ekki fyrr en það eru komnir níu lög­reglu­menn upp á hæð­ina og það lá við miklum átökum þarna en við svona ein­hvern­veg­inn höfðum við vit fyrir okkur og komum okkur út án þess yrðu bara slags­mál. Einar sá sér leik á borði, ég hafði ekk­ert mætt í skól­ann í ein­hverjar tvær-þrjár vikur, ég var bara úti á sjó, hann kallar mig inn og segir ég verð bara að reka þig, það var fundur meðal kenn­ara að það gengi ekki að þú einn værir að ráða því hvenær þú mætir í skól­ann.“

Tolli brást við með því að segj­ast ekki vera, 24 ára gam­all, þarna í skól­anum til að læra stund­vísi og hann upp­fyllti kröfur um fag­legt inn­legg en þeim orða­skiptum lauk hann með setn­ing­unni:

„Þín verður bara minnst í lista­sög­unni fyrir að hafa rekið mig úr skóla!“