Birna Einarsdóttir fær greiddar 56,6 milljónir króna frá Íslandsbanka

Íslands­banki birtir spurn­ingar og svör þar sem hlut­höfum er svarað í tengslum við þá sátt sem Íslands­banki gerði við Seðla­banka Íslands en þar kemur fram í 20. lið að Birna Ein­ars­dóttir, sem lét af störfum sem banka­stjóri í lok júní eftir að Íslands­banki þurfti að greiða 1,2 millj­arða í sekt vegna fram­kvæmdar við sölu á hlut rík­is­ins í bank­anum, muni fá greiddar 56,6 millj­ónir króna eftir starfs­lokin.

Upphæðin er til komin vegna 12 mán­aða upp­sagn­ar­frests sem ráðn­ing­ar­samn­ingur hennar kvað á um auk orlofs og líf­eyr­is­rétt­inda. Greiðsl­urnar fara fram í formi launa­greiðsla yfir 12 mán­aða tíma­bil.

Jafn­framt kemur fram að starfs­loka­samn­ing­ur­inn sé í fullu sam­ræmi við ráðn­ing­ar­samn­ing hennar og rúmist innan starfs­kjara­stefnu bank­ans, sem sam­þykkt var á síð­asta aðal­fundi, og gild­andi lög um fjár­mála­fyr­ir­tæki.