Brynjar Níelsson, vara­þing­maður Sjálf­stæð­is­flokks­ins, hvetur hægri­menn og aðra borg­ara­lega sinn­aða til upp­reinsar gegn öfga­öflum til vinstri. „Ekki hræð­ast ofstækið og upp­hróp­anir …“, skrifar hann í grein á Viljanum sem hann telur vera eina borg­ara­lega mál­gagnið á land­inu bláa.

Brynjar fer um víðan völl og hellir úr skálum reiði sinnar yfir stjórn­mála­menn sem „eru svo ófor­skamm­aðir að dæla fé í fram­boð sem komu ekki manni á þing, mörg hund­ruð millj­ónum, sem notað er síðan til að reka fjöl­miðil til að boða sömu hug­mynda­fræði og löndin byggja á sem eng­inn vill búa í og lands­menn flýja unn­vörpum frá“. Þar vísar hann vænt­an­lega til sós­í­alista sem halda úti Sam­stöð­inni.

Engin leið er að skilja reiðiöskur Brynjars nema sem svo að slíta verði núver­andi stjórn­ar­sam­starfi hiðð bráð­asta og senda Vinstri-græna út í hafs­auga. Víst er að grein Brynjars er sam­nefn­ari fyrir skoð­anir margra Sjálf­stæð­is­manna sem hafa fengið nóg eftir að Svandís Svav­ars­dóttir sleit í sundur frið­inn með hval­veiði­bann­inu …