Bændur ósáttir með MAST: „Fannst þetta skjóta mjög skökku við“

Bændur í Miðfirði eru ósáttir með vinnu­að­ferðir MAST.

Fyrir fjórum mán­uðum voru stað­fest riðusmit í Mið­fjarð­ar­hólfi. Nokkrir bændur hafa nú verið kærðir af til lög­reglu af MAST fyrir að fylgja ekki fyr­ir­mælum yfir­dýra­læknis. Þeir eru sak­aðir um að hafa ekki afhaft hent þá gripi sem þeir bar að afhenda. Sigríður Ólafs­dóttir, for­maður land­bún­að­ar­ráðs í Húna­þingi vestra, sagði í sam­tali við RÚV að bændur hafi fengið mis­vísandi skila­boð.

„En svo fengu þeir bændur sem höfðu keypt fé frá Urriðaá bréf þann 9. maí um að skila þessum gripum inn til MAST og þá eru nátt­úru­lega allir komnir á fullt í sauð­burð og það var búið að segja þeim að það yrðu ekki teknir fleiri gripir fyrir sauð­burð. Þannig bændum fannst þetta skjóta mjög skökku við,“ sagði Sigríður um málið.

„Það stendur á heima­síðu MAST að það séu hverf­andi líkur á smiti í sum­ar­haga þannig það er nú kannski ekki endi­lega ástæða til að vera mikið að atast í þessu akkúrat núna,“ sagði hún.

Þá ríki ósætti með að MAST hafi sagt opin­ber­lega frá nöfnum bæj­anna í fjöl­miðlum..

„Þá er mjög mik­il­vægt að allir vinni saman og málin séu leyst saman en ekki á opin­berum vett­vangi.“