Kristinn ver féflettan öryrkja: „Svei þessu hyski“

Kristinn Hrafns­son segir mál ungs öryrkja sem bor­inn var út í síð­ustu viku af heim­ili sínu í Reykja­nesbæ, til hábor­innar skammar.

Jakub Polkowski, 23 ára öryrki var bor­inn út af heim­ili sínu í síð­ustu viku ásamt fjöl­skyldu sinni eftir að sýslu­mað­ur­inn á Suð­ur­nesjum seldi ein­býl­is­húsið hans á þrjár millj­ónir á upp­boði. Jakub hafði mis­farist að greiða fast­eigna­gjöld og fleiri reikn­inga en hann hafði stað­greitt húsið á sínum tíma.

Kristinn Hrafns­son, rit­stjóri Wikileaks skrif­aði færslu í gær við frétt Vísis um málið þar sem hann segir að við lifum í „sam­fé­lagi sið­rofs“ þar sem það að féflétta öryrkja um millj­óna­tugi þyki í lagi „í sumum kreðsum“.

Færsluna má lesa hér að neðan.

„Mikið óskap­lega er þetta mál allt lúa­legt og til hábor­innar skammar fyrir þá sem að því komu. Það er lík­leg­ast til lít­ils að nefna skömm því við lifum í sam­fé­lagi sið­rofs. Að féfletta öryrkja um millj­óna­tugi með lag­tækni­brellum og opin­berum stuðn­ingi þykir ekki til­töku­mál í sumum kreðsum. Svei þessu hyski.“