Ríkisstjórnin opnar „fangabúðir“ fyrir flóttamenn: „Þetta hús­næði er tak­mörk­un­um háð“

Guðrún Haf­steins­dóttir, dóms­mála­ráð­herra, stingur upp á loka­bú­setu­úr­ræði fyrir flótta­fólk.

Eins og Mannlíf hefur greint frá þá eru nýju útlend­inga­lögin sem rík­is­stjórnin hefur sett gríð­ar­lega umdeild og hafa margir sett sig upp á móti þeim. Þau fela í sér að hæl­is­lendendum verður vísað á dyr 30 dögum eftir synjun um alþjóð­lega vernd og ekki eru allir sáttir með það.

„Nú ligg­ur það al­veg ljóst fyr­ir að við erum með vernd­ar­kerfi á Íslandi þar sem fólk get­ur beðið um vernd ef að þeim staf­ar lífs­hætta. Við erum með kerfi þar sem sú um­sókn fer í gegn­um tvö stjórn­sýslu­stig og þegar að fólk er búið að fá höfn­un á báðum stig­um þá ligg­ur það al­veg ljóst fyr­ir að þau eru þá í ólög­mætri dvöl í land­inu,“ sagði Guðrún um málið í sam­tali við mbl.is.

„Ég hef í hyggju að leggja fram að hér verði tekið upp loka­bú­setu­úr­ræði (e. det­enti­on center) eins og ná­granna­lönd okk­ar eru með. Það er þá hús­næði fyr­ir fólk sem hef­ur ekki hlotið dvöl í land­inu. Þetta er hús­næði á meðan fólk bíður. Þetta hús­næði er tak­mörk­un­um háð,“ en vekur orða­lag Guðrúnar athygli því auð­velt er að lesa þetta á þann veg að hér standi til að opna fanga­búðir til að koma flótta­fólki í. Leiti fólk að orð­inu „loka­bú­setu­úr­ræði“ á Google virð­ist vera að Guðrún hafi búið til þetta orð. Guðrún sagði einnig að málið væri ekki flókið og að hæl­is­leit­endur ættu að yfir­gefa landið sé þeim sagt að gera það.

„Ég biðla til fólks að hlíta ís­lensk­um lög­um og ákvörð­unum ís­lenskra stjórn­valda. Hér er búið að fara yfir þessi mál gaum­gæfu­lega og hér er hóp­ur fólks sem hef­ur ekki rétt hér til dval­ar og búið að kom­ast að þeirri niður­stöðu að fólk eigi að yf­ir­gefa landið og þá ber fólki að gera það.“