Neyðarkall frá Hafnarfirði – Fjórar kisur týndar eftir brunann á Hvaleyrarbraut

Nú þegar slökkvi­starfi er lokið við Hval­eyr­ar­braut 22 í Hafn­ar­firði er dauða­leit gerð að köttum sem bjuggu í hús­inu.

Í hús­inu á Hval­eyr­ar­braut 22 í Hafn­ar­firði bjuggu 17 ein­stak­lingar, þrátt fyrir að húsið hafi ekki verið sam­þykkt íbúð­ar­hús­næði. Allir komust lífs af úr brun­anum en hafin er leit af köttum sem þar bjuggu en hafa ekki enn fund­ist.

Sjálf­boða­liða­sam­tökin Dýrfinna sem sér­hæfa sig í að leita uppi týnd gælu­dýr, sendu út neyð­ar­kall á Facebook í gær­kvöldi. „Við köllum á alla dýra­vini að hafa augun opin fyrir þessum kisum,“ stóð í til­kynn­ing­unni en henni fylgdu ljós­myndir af þeim Stormie, Kodda, Sæta og Augis, kött­unum fjórum sem bjuggu í hús­inu. Segja þær talið að þrjár þeirra hafi kom­ist út en ekki sé vitað um þann fjórða.

Færsluna má sjá hér að neðan og síma­númer sem hægt er að hringja í ef kett­irnir finn­ast en Dýrfinna varar fólk við að elta kett­ina, heldur hringja í sam­tökin í síma 842-5460/775-4234.