Maðurinn sem réðist á Ingunni Björnsdóttur, dósent í lyfjafræði við Oslóarháskóla og samstarfsmenn hennar, féll á prófi rétt fyrir hnífaárásina.
Karlmaður á þrítugsaldri hefur verið ákærður fyrir hnífsstunguárás gegn tveimur konum í lyfjafræðideild Háskólans í Osló, í gær en önnur kvennanna er hin íslenska Ingunn Björnsdóttir, dósent í lyfjafræði við skólann.
Samkvæmt heimildum NRK voru konurnar báðar kennarar við skólann og þekktu árásarmanninn vel. Ingunn slasaðist illa í árásinni en hún dvelur á Ullevål sjúkrahúsinu en er að jafna sig. Birti hún ljósmynd af sér frá sjúkrahúsinu á Facebook í morgun. Hin konan slasaðist lítillega og var útskrifuð af bráðamóttöku í gærkvöldi.
Árásarmaðurinn var yfirbugaður af starfsfólki og nemendum skólans en lögreglan mun yfirheyra hann síðar í dag.
Verjandi mannsins, Petar Sekulic segir í samtali við NRK að skjólstæðingur hans játi sig sekan um líkamsmeiðingar en ekki um tilraun til manndráps. Maðurinn hefur verið úrskurðaður í gæsluvarðhald til fjögurra vikna. „Hann tekur þessu alvarlega og það sést. Hann er vissulega meðvitaður um alvarleika málsins,“ sagði Sekulic í samtali við NRK.
árás
Norska vinnueftirlitið skilað skýrslu um hnífaárásina í Oslóarháskóla – Vinnuumhverfislög brotin
Lögreglan skaut hund sem réðst á eiganda sinn: „Var með mjög saklaust andlit“
Óeirðir í Dyflinni eftir hnífaárás á börn – Brasilískur matarsendill stöðvaði árásarmanninn
Ingunn ekki reið árásarmanninum sem stakk hana: „Það kom eiginlega sjálfri mér á óvart”
Íslensk kona þungt haldin eftir hnífaárás í Lundi – Hinum grunaða sleppt í gær
Athugasemdir