Vatnsverksmiðja Jóns seld úr landi: „Hættum að verða nýlenda græðgisafla“

Icelandic Water Holdings hefur verið selt.

Eins og fjöl­miðlar hafa fjallað um und­an­farnar vikur stóð til að selja íslenska fyr­ir­tækið Icelandic Water Holdings í hendur erlendra aðila. Ein­hverjar tafir urðu þó á söl­unni en nú hefur fyr­ir­tækið greint frá því í til­kynn­ingu að salan sé gengin í gegn. 

Salan hefur mætt mik­ill gagn­rýni á Íslandi og hafa margir sagt að það sé með öllu óásætt­an­legt að fyr­ir­tækið sé selt úr landi. Tómas Guð­bjarts­son, hjarta­skurð­læknir, sagði með ann­ars í pistli fyrir stuttu síðan á Facebook:

„Við Íslend­ingar höfum alltaf haldið að vatnið okkar sé gef­ins – og að það sé óþrjót­andi. Það er öðru nær, en á kom­andi árum á hreint drykkj­ar­vatn eftir að verða ein verð­mætasta auð­lind þjóð­ar­innar og heims­ins. Þetta hafa erlendir millj­arða­mær­ingar sem sótt hafa Ísland heim oft haft á orði.“

„Hættum að verða nýlenda græðg­isafla – sem munu pott­þétt ásæl­ast fleiri „læki“ á kom­andi miss­erum. Hreint drykkj­ar­vatn er okkar olía – og sem betur fer mun grænni auð­lind. Eða erum við eftir allt þriðja­heims ríki?“

Mbl.is greindi fyrst frá.