Sigríður Dögg svarar ekki ásökunum um skattaundanskot

Sigríður Dögg Auð­uns­dóttir, frétta­maður á Rík­is­út­varp­inu og for­maður Blaða­manna­fé­lags Íslands, svarar ekki ítrek­uðum spurn­ingum Mannlífs varð­andi ásak­anir Páls Vil­hjálms­sonar um skattaund­an­skot.

Mogga­blogg­ar­inn og fram­halds­skóla­kenn­ar­inn Páll Vil­hjálms­son sak­aði Sigríði Dögg Auð­uns­dóttur í sumar um að hafa skotið 25 millj­ónum undan skatti. Sagði hann for­mann Blaða­manna­fé­lags Íslands hafa um ára­bil sleppt því að gefa upp til skatts, tekjur af Airbnb íbúðum sínum. Skatt­rann­sókn­ar­stjóri, að sögn Páls, fékk upp­lýs­ingar um útleigu fast­eigna Íslend­inga fyrir árin 2015 til 2018 í gegnum vef og greiðslu­kerfi Airbnb. Páll full­yrti í bloggi sínu að leigu­tekjur Sigríðar Daggar hafi numið tugum millj­ónum króna en að henni hafi verið gert að greiða van­gold­inn skatt með 25 pró­senta álagi.

Páll sagði enn­fremur að Sigríður Dögg hafi fengið sér­með­ferð hjá skatta­yf­ir­völdum, að hún hafi fengið leyfi til að setja útleig­una í einka­hluta­fé­lag sitt sem skil­aði sjö milljón króna hagn­aði árið 2021. Skattaund­anskotin árin á undan segir hann að hafi verið á kenni­tölu Sigríðar Daggar.

Ásak­an­irnar eru grafal­var­legar en Páll hefur engin gögn birt, mál­inu til stuðn­ings. Séu þær rangar er nokkuð ljóst að fram­halds­skóla­kenn­ar­inn gæti átt yfir höfði sér meið­yrða­mál.

Mannlíf sendi spurn­inga­lista til Sigríðar Daggar í sumar og tvær ítrek­anir, þá seinni í byrjun sept­em­ber en enn hefur blaða­konan ekki svarað þeim. Spurn­ing­arnar eru eft­ir­far­andi:

1. Kannast þú og /eða eig­in­maður þinn við að hafa leigt út íbúðir á air­bnb?

2. Voru tekjur af leig­unni ekki gefnar upp til skatts upp­haf­lega? Eru ásak­anir um slíkt rangar?3. Er rétt að þú/þið hafið gert sátt við skatta­yf­ir­völd um að greiða skatt af inn­kom­unni og 25 pró­senta álag.4. Er rétt að einka­hluta­fé­lag ykkar, Miðlun, hafi í fram­hald­inu tekið yfir þann rekstur sem snýr að útleig­unni.5. Ef rétt er hermt með sátt­ina: Telur þú að í þessu felist brot af þinni hálfu sem þú þurfir að axla af ábyrgð? Ef svo. Hvernig munt þú bregð­ast við?Hefur þú gert stjórn Blaða­manna­fé­lags­ins og yfir­stjórn Rík­is­út­varps­ins grein fyrir þessu máli?