Kaffihús rís við Grund: „Ekki er ósennilegt að vel verði líka tekið á móti velunnurum heimilisins”

Kaffihús rís brátt á lóð hjúkr­un­ar­heim­il­ins Grund.

Eiríkur Jónsson vekur athygli á því á síðu sinni að nú standi yfir miklar fram­kvæmdir í garði Grundar. Guðbjörg R. Guð­munds­dóttir verk­efn­is­stjóri á Grund segir að um sé að ræða 112 fer­metra garð­skála en í honum verður kaffi­hús fyrir heim­il­is­fólk og aðstand­endur. Fyrir utan verður einnig leik­svæði.

Hér má lesa færslu Guð­bjargar:

„Um er að ræða fram­kvæmdir við að reisa 112 fm garð­skála. Skálinn verður sjálf­stæð bygg­ing sem teng­ist aðal­bygg­ing­unni með yfir­byggðum gangi. Þarna verður kaffi­hús fyrir heim­il­is­fólk og aðstand­endur, leik­svæði fyrir utan og hægt að opna út á ver­önd og sitja þar í sól­inni. Heim­il­is­fólk Grundar fær tæki­færi til að taka á móti gestum í skjól­sælu og sól­ríku umhverfi og bjóða þeim upp á ljúf­fengar veit­ingar. Ekki er ósenni­legt að vel verði líka tekið á móti velunn­urum heim­il­is­ins ef þeir vilja koma og fá sér kaffi­sopa á þessu huggu­lega kaffi­húsi sem von­andi opnar með vor­inu.”