Andri Snær: „Til hvers er milljarður ef þú getur ekki kastað flugu í straumvatn og talað við Guð“

Andri Snær Magnason segir að leki úr sjó­lax­eld­iskvíum vera eitt mesta umhverf­isslys Íslands­sög­unnar.

Rit­höf­und­ur­inn Andri Snær Magnason skrif­aði færslu á Facebook í dag þar sem hann fer yfir mál­efni villtra laxa en nýlega komust laxar úr sjó­eld­iskvíum í ár víða und­an­farið. Segir hann málið allt væri far­sa­kennt, „væri það ekki svona sorg­legt.“

Færsluna má lesa í heild hér fyrir neðan:

„Talið er að minna en 100.000 villtir laxar gangi upp í íslenskar ár. Ef við gefum okkur að hvert dýr sé um 5kg (sem er mjög ríf­legt) þá er heild­ar­stofn­inn innan við 500 tonn. Þannig má vera ljóst hversu agn­ar­smár og við­kvæmur stofn­inn er í sam­an­burði við 35.000 tonna lax­eldi í sjó. Ein kví með 700 tonnum af laxi er þannig með fleiri laxa en allir villtir laxar til sam­ans á Íslandi og ljóst að lítið má út af bregða, eins og komið hefur í ljós. Þar fyrir utan er aug­ljóst álag á lít­inn stofn þegar kemur að lús og sjúk­dómum. Það sem á sér stað núna virð­ist hafa verið óhjá­kvæmi­legt, bara spurn­ing um tíma og norskir frosk­menn með skutla í hyljum á tímum þegar árnar eiga að vera í hvíld fyrir hrygn­ingu gera þetta allt ein­stak­lega far­sa­kennt ef það væri ekki svona sorg­legt. Að setja upp lax­inn sem leik­fang millj­óna­mær­inga sem má skipta út fyrir aðra atvinnu­grein er ein­stak­lega kald­hæðn­is­legt, enda er vonin um millj­arð­ana kjarn­inn í starf­sem­inni. En til hvers er millj­arður ef þú getur ekki kastað flugu í straum­vatn og talað við Guð eins og Bubbi Morthens myndi segja. Það má leið­rétta þessar tölur eða létta áhyggjur mínar af tjón­inu, en mér sýn­ist þetta vera eitt­hvað mesta umhverf­isslys sem hefur orðið hér­lendis.“