Snorri Másson fjöl­miðla­maður hefur nú stofnað nýjan fjöl­miðil, rit­stjori.is.

Samkvæmt frétta­til­kynn­ingu sem send var á fjöl­miðla í dag mun Snorri Másson, fara viku­lega yfir fréttir vik­unna í sér­stökum frétta­þætti á sam­fé­lags­miðlum, en sam­hliða mun efni birt­ast á hinum nýja miðli. Áhersla verður lögð á stjórn­mál, menn­ingu og mál­efni líð­andi stundar auk almennrar frétta­þjón­ustu.

Snorri Másson rit­stjóri

Snorri Másson lauk prófi í íslenskum fræðum við Háskóla Íslands árið 2020 og en hafði áður hafið störf á Morg­un­blað­inu. Þaðan flutt­ist hann yfir á Vísi og Stöð 2, en þar lét Snorri af störfum í vor. Þá hefur Snorri stýrt hlað­varps­þætt­inum Skoð­ana­bræður ásamt bróður sínum Bergþóri og mun halda því áfram.

„Þetta er ánægju­leg stund og markar kafla­skil í mínu lífi að geta hafið mína drauma­fjöl­miðla­starf­semi mína ger­sam­lega frjáls maður. Rit­stjóra­hug­myndin bygg­ist á öfund minni á 19. aldar mönnum, að geta kallað sig rit­stjóra án þess að hafa endi­lega fjölda blaða­manna undir sér, og nú end­ur­vek ég það. Ég skil­greini mig nú sem rit­stjóra.

Ný tækni býður fólki upp á að hafa beint sam­band við mig sem blaða­mann án milli­liða. Á ver­ald­ar­svið­inu er fjöl­miðlun að taka grund­vall­ar­breyt­ingum og þetta fyr­ir­komu­lag tel ég henta nýjum tímum. Ég hef síðan vænt­ingar um að þessi starf­semi muni skila sér í bæri­legum ávinn­ingi bæði fyrir mig, les­endur, hlust­endur, áhorf­endur og íslenskt sam­fé­lag.

Vikulegi frétta­þátt­ur­inn er flagg­skip mið­ils­ins og miðar að því að gera sjón­varp fyrir fram­tíð­ar­landið Ísland. Íslenskt sjón­varp er á flestum sviðum staðnað og úr sér gengið og nú þarf að breyta leiknum,“ segir Snorri Másson í frétta­til­kynn­ing­unni.