Dómur yfir stjörnunuddaranum Jóhannesi Tryggva Sveinbjörnssyni vegna nauðgunarbrots gegn konu, var þyngdur í dag í Landsrétti, en glæpurinn átti sér stað á nuddstofu hans árið 2012. Var Jóhannes dæmdur í átján mánaða fangelsi og til þess að borga tvær milljón krónur.
Héraðsdómur Reykjaness hafði í janúar í fyrra dæmt hann í tólf mánaða fangelsi en Jóhannes áfrýjaði þeim dómi til Landsréttar, sem, líkt of segir hér fyrir ofan, þyngdi dóminn. Bættist dómurinn við fyrri dóm yfir Jóhannesi, þar sem hann var dæmdur í sex ára fangelsi.
Í nóvember 2021 var Jóhannes dæmdur fyrir kynferðisbrot gegn fjórum konum en nú þegar 18 mánuðirnir bætast við þann dóm, hefur hann nú verið dæmdur í sjö og hálfs árs fangelsi vegna kynferðisbrota gegn fimm konum.
Ákæran snéri að nauðgun sem Jóhannes framdi í starfi sínu sem nuddari, dagana 3. og 5. janúar árið 2012, á nuddstofu sinni í Reykjavík. Þar hafði hann önnur kynferðismök en samræði við brotaþolann, án samþykkis hennar, með því að káfa á kynfærum hennar, rassi og brjóstum og með því að setja fingur inn í leggöng konunnar, henni að óvörum á meðan hún lá lítið klædd á nuddbekk.
Í ákærunni sagði einnig að Jóhannes hefði beitt konuna ólögmætri nauðung með því að misnota það traust sem hún bar til hans.
Vísir sagði frá málinu.
Athugasemdir