Það sem af er ári hafa 11 prósent færri tilkynningar borist lögreglu vegna heimilisofbeldi, en undanfarin þrjú ár. Fíkniefnabrotum hefur einnig fækkað talsvert.
Samkvæmt mánaðarskýrslu lögreglunnar á höfuðborgarsvæðinu fyrir september, bárust 710 tilkynningar um hegningarlagabrot á höfuðborgarsvæðinu en nær helmingur brotanna voru framin á svæði Lögreglustöðvar 1. Nær það yfir Miðborgina, Vesturbæ, Seltjarnarnes, Háaleiti, Hlíðar og Laugardal.
Fram kemur í skýrslunni að tilkynningum um þjófnað hafi fækkað talsvert á milli mánaða, sem og tilkynningum um innbrot.
Þá bárust 106 tilkynningar um ofbeldisbrot í september en tilkynningar um heimilisofbeldi fækkaði á milli mánaðar, fóru úr 57 tilkynningum í ágúst, í 45 tilkynningar í september. Það sem af er ári hafa borist um 11 prósent færri tilkynningar um heimilisofbeldi samanborið við meðalfjölda sama tímabils síðustu þrjú ár á undan. Fram kemur einnig í skýrslunni að þrjú tilvik hafi verið skráð þar sem lögreglumaður var beittur ofbeldi.
Alls bárust lögreglunni á höfuðborgarsvæðinu 33 tilkynningar um kynferðisbrot í september, um 14 þeirra tilkynninga voru vegna brota sem áttu sér stað í september.
Samkvæmt skýrslunni fækkaði skráðum fíkniefnabrotum á milli mánaða ef fjögur stórfelld fíkniefnabrot voru skráð í september. Þó hafi heilt yfir verið skráð um 28 prósent færri fíkniefnabrot á höfuðborgarsvæðinu, en skráð voru að meðaltali á sama tímabili síðustu þrjú ár á undan.
Fjölgun var í tilkynningum þar sem ökumaður var grunaður um akstur undir áhrifum ávana- og fíkniefna, milli mánaða, sem og tilkynningum þar sem ökumaðuri var grunaður um ölvu við akstur.
Sjö prósent færri umferðalagabrot á höfuðborgarsvæðinu hafa verið skráð það sem af er ári, en hafa verið skráð að meðaltali á sama tíma síðustu þrjú ár. Alls voru skráð 629 umferðalagabrot á höfuðborgarsvæðinu í september.
Skýrsluna í heild er hægt að nálgast hér: https://issuu.com/logreglan/docs/lykiltolur_2023_september
Athugasemdir