Steinunn Árna spyr Katrínu Jakobsdóttur: „Hvenær var lögunum um lausagöngu graðhesta breytt?“

Steinunn Árna­dóttir sendi Katrínu Jak­obs­dóttur opið bréf í gær, í kjöl­far nið­ur­stöðu Mat­væla­stofn­unar, um að allt sé í lagi með aðstæður hesta á Lauga­bóli.

Sjá einnig: Segir ástand hrossa á Lauga­bóli enn slæmt: „Aðstæður í dag eru að öllu leyti óvið­un­andi“

Hesta­konan og org­el­leik­ar­inn Steinunn Árna­dóttir er búin að skrifa opið bréf til Katrínar Jak­obs­dóttur for­sæt­is­ráð­herra, eftir að Mast komst að þeirri nið­ur­stöðu að allt væri í himna­lagi hjá hest­unum á Lauga­bóli í Arn­ar­firði. Fullyrti Steinunn í pósti sem hún sendi á fjöl­miðla og ráða­menn á dög­unum að ástandið á Lauga­bóli væri óásætt­an­legt:

Hrossin eru 24 þar af eitt nýka­stað fol­ald. Fyl­fullar merar eru 6-7, þar af sýn­ist mér eitt mer­tryppi sem er senni­lega 3ja vetra vera fyl­fullt. Það tryppi er grannt, van­sælt, var út úr hópnum og með rennsli úr nösum.

Tvær hryssur kasta mjög fljót­lega og hinar senni­lega í næsta mán­uði (nóv­em­ber !).

Grað­hestar eru a.m.k 3 og senni­lega eru hest­tryppin ógelt.

Eitt tryppið hefur slasast alvar­lega á hægri fram­fæti. Ljótt ör er eftir það slys.

Hest­arnir ráfa um allar næstu jarðir enda liggja girð­ingar að mestu á hlið­inni og lausir strengir eru um allt, gadda­vírs­strengir og þan­vír. 

Engin ummerki voru um vetr­ar­fóður fyrir þessi hross. Það ætti ekki að þurfa að taka fram hversu afskek

kt Laug­ar­ból er og hversu erfitt aðgengi er að þessum stað þegar færð fer að versna.

Mast sendi eft­ir­lits­að­ila á Laugaból sem komst að þeirri nið­ur­stöðu að aðstæða hrossa þar væri við­un­andi. Þessu er Steinunn hissa á, líkt og sjá má í bréfi hennar til Katrínar. Þar spyr hún for­sæt­is­ráð­herr­ann hvenær lögum um lausa­göngu grað­hesta hafi verið breytt.

Í þriðja kafla í lögum um búfjár­hald segir um vörslu grað­hesta:

Grað­hestar eða laungraðir hestar, 10 mán­aða og eldri, allt árið. Vet­ur­gamlir folar skulu þó ætíð vera komnir í vörslu eigi síðar en 1. júní þó að þeir séu ekki orðnir fullra 10 mán­aða.

Sveit­ar­stjórn skal hlut­ast til um að grað­pen­ingur, sem ekki er í öruggri vörslu, sé hand­samaður og honum komið í örugga vörslu. Eigandi getur leyst til sín við­kom­andi grað­pen­ing gegn greiðslu áfall­ins kostn­aðar. Við ítrekuð brot skal grað­hestur seldur nauð­ung­ar­sölu sam­kvæmt lögum um nauð­ung­ar­sölu en felldur verði hann ekki seldur. Öðrum grað­pen­ingi skal slátrað og sölu- eða frá­lags­verð látið mæta áföllnum kostn­aði.

Bréf Stein­unnar má lesa í heild hér:

Ágæti for­sæt­is­ráð­herra, Katrín Jak­obs­dóttir 

Eftir ábend­ingar mínar á aðstæðum hesta á Lauga­bóli í Arn­ar­firði er nið­ur­staða Mat­væla­stofn­un­ar­innar að allt sé í himna­lagi á þeim stað. (Ég verð reyndar að við­ur­kenna að óvenju fal­legt er þarna).

Mig lang­aði því að spyrja þig, ágæti for­sæt­is­ráð­herra, hvenær lög­unum um lausa­göngu grað­hesta var breytt?

Margir vinur mínir eru í basli með að geyma þessi grey (grað­hest­ana sína) og væri gott að geta látið þá vita að grað­hestar mega ganga lausir hvar sem er. 

Með kærri kveðju úr Borg­ar­nesi

Steinunn Árna­dóttir