Rútaslys á Holtavörðuheiði – 29 manns um borð

Rúta valt út af veg­inum á Holta­vörðu­heiði fyrr í dag en í henni voru 29 erlendir ferða­menn.

„Það er litl­ar upp­lýs­ing­ar að hafa sem stend­ur annað en að það er búið að virkja hóp­slysa­áætl­un vegna slyss­ins. Björg­un­ar­sveit­ir og við­bragðs­að­ilar eru á leið­inni og eru rétt að koma á slys­stað,“ sagði Jón Þór Víglunds­son, upp­lýs­inga­full­trúi Lands­bjarg­ar, við mbl.is um málið. Þá var þyrla Land­helg­is­gæsl­unn­ar var fyrst á slys­stað.

„Þyrl­an var í æf­inga­flugi við Bif­röst þegar lög­regl­an á Norður­landi Vestra óskaði eft­ir því að þyrl­an færi á stað­inn. Við kom­una á slys­stað voru aðstæður metn­ar. Eng­inn þurfti flutn­ing og er þyrl­an er far­in af vett­vangi og er á leið í bæ­inn. Sam­kvæmt okk­ar upp­lýs­ing­um voru 29 manns í rút­unni,“ sagði Ásgeir Erlends­son, upp­lýs­inga­full­trúi Land­helgis­gæsl­unnar, við mbl.is.