Atli Þór Fanndal hneiklasta á „van­still­ingu“ Bjarna Bene­dikts­sonar í við­brögðum sínum við umfjöllun Kveiks um íslensku krón­una.

Kveikur fjall­aði um stöðu íslensku krón­unnar í gær en þar kom fram að fjöldi stór­fyr­ir­tækja á land­inu not­ist við aðra gjald­miðla á meðan heim­ilin í land­inu neyð­ist til að nota óstöðuga krón­una. Bjarni Bene­dikts­son utan­rík­is­ráð­herra brást illa við og sagði þetta árás Kveiks á íslensku krón­una. Atli Þór Fanndal, fram­kvæmd­ar­stjóri Íslands­deildar Transparency International, skrif­aði Facebook-færslu þar sem hann hneiksl­ast á við­brögðum Bjarna Bene­dikts­sonar. „Jesús minn, því­lík van­still­ing í ráð­herra,“ skrifar hann og heldur áfram: „Það er bara næstum eins og Bjarni höndli ekki annað en umfjöllun sem gengur í takt við hann. Þessi þáttur kallar ekki eftir svona froðu­fellandi árás. Þarna var nú bara tals­vert meira sam­hengi en t.d. flestu sem Bjarni skrifar og segir. Þetta tal um áróður gegn krón­unni er bara kjána­læti.“

Segir Atli Þór að Bjarni viti hvað hann sé að gera. „Bjarni veit alveg hvað hann er að gera. Þetta hefur alltaf verið hans taktík. Tryll­ings­leg gagn­rýni á alla sem ganga ekki í takt til kæl­ingar. Sér­stak­lega fjöl­miðla, hann á jú tals­verða sögu þegar kemur að því að grafa undan fjöl­miðlum.“ Í næstu orðum sínum hæð­ist hann að ráð­herr­anum. „Eitt er þó satt í máli Bjarna og það er að kannski er krónan gagn­rýnd heldur mikið og það vantar svo­lítið sam­hengi eins og að rík­is­stjórnin ræður ekki við neitt og ætlar ekk­ert að bregð­ast við. Þessi sama rík­is­stjórn hefur til dæmis ekki fjár­magnað skatta­lækk­anir upp á 54 millj­arða á ári og skellt í alls­konar þenslu­kvetj­andi aðgerðir eins og að nið­ur­greiða raf­magns­bíla fyrir ríkt fólk og bíla­leigur, end­ur­greiða vsk á fram­kvæmdum á tíma þar sem stór­kost­legur skortur er á hús­næði. Já og svo réðu þau auð­vitað seðla­banka­stjóra sem allir gátu sagt sér að ekki myndi ráða við starfið. Þannig að ég tek undir með ráð­herra það vantar kannski smá sam­hengi sem er auð­vitað rík­is­stjórn sem segir bara end­ur­tekið og opin­ber­lega að þau beri ekki ábyrgð á verð­bólgu.“

Að lokum seg­ist Atli Þór vera með lausn sem gæti fallið í kramið hjá Bjarna. „Ég er því með lausn sem Bjarna gæti líkað. Legg til að Kveikur íhugi að gera fram­halds­þátt um hvernig rík­is­stjórnin ýkjir alla veik­leika krón­unnar með dóg­ma­tík og incompetance. Þar væri nú tæki­færi til að koma með krón­unni alls­konar til varnar enda barnapían hrein­lega ekki á staðnum.“