Kristinn Gunnar Blöndal bendir á sterkan punkt varðandi Eurovision-söngkeppnina.
Gríðarleg pressa er á Stefán Eiríksson Ríksútvarpsstjóra og stjórn RÚV á að sniðganga Eurovision 2024, verði Ísrael með í keppninni. Æ fleiri þrýsta á sniðgönguna en nýlega sendi Félag tónskálda og textahöfunda áskorun á Ríkisútvarpið. En sitt sýnist hverjum. Sumir hafa haldið því fram að Söngvakeppni Evrópskra sjónvarpsstöðva sé ópólitísk og eigi að halda því áfram á meðan aðrir bendi á hið gagnstæða en Rússland fékk til dæmis ekki að taka þátt í fyrra, vegna innrásarinnar inn í Úkraínu.
Tónlistarmaðurinn Kristinn Gunnar Blöndal, eða KGB eins og hann er stundum kallaður, blandaði sér í umræðuna með færslu á Facebook þar sem hann bendir á áhugaverðan punkt. Hann birtir í athugasemd við færsluna, hlekk sem sýnir lista Jerusalem Post af 50 áhrifamestu Gyðingunum 2022. Innan um ráðamenn, fjármálajöfra, forstjóra og fleiri háttsettra aðila, var poppstjarnan Noa Kirel, sem er fyrrverandi hermaður ísraelska hersins og fulltrúi Ísrael í Eurovision 2023. Hún er sem sagt í 50 sæti listans. „Skýtur soldið skökku við á þessum háalvarlega valdalista, en gefur ágætis vísbendingu um hvaða vægi Ísraelar setja í Eurovision,“ skrifar Kristinn í færslunni og bætir við: „Tilhugsunin að Ísrael geti mætt á þessa meinleysis fjölþjóðasöngvakeppni, þjóð meðal þjóða, og allir láti eins og ekkert sé er bara galið.“
Hér má sjá færsluna í heild sinni:
Athugasemdir