Rífur nýjasta útspil Svandísar í sundur: „Grátur og nöldur SFS vegna þessa frumvarps er leikrit“

Atli Þór Fanndal segir við­brögð Samtaka fyr­ir­tækja í sjáv­ar­út­vegi vegna frum­varps mat­væla­ráð­herra, vera leik­rit. Kallar hann þetta „stéttapóli­tík hinna ríku“.

Segja má að Atli Þór Fanndal, fram­kvæmda­stjóri Íslands­deildar Transparency International hafi ekki flutt eldræðu, heldur eld­færslu á Facebook í gær þar sem hann rífur í sig Svandísi Svav­ars­dóttur og Samtök fyr­ir­tækja í sjáv­ar­út­vegi. Tilefnið er nýtt frum­varp mat­væla­ráð­herra, sem heldur utan um sjáv­ar­út­vegs­mál, þar sem kveðið er á um að sjáv­ar­út­veg­ur­inn greiði um 800 millj­ónir meira í veiði­gjöld en áður. Segir Atli Þór að um leik­rit sé að ræða, ætlað til að slá ryki í augu almenn­ings.

„Stjórn­mála­menn hafa ára­tugum saman vitað að koma verður í veg fyrir of mikla sam­þjöppun í sjáv­ar­út­veg og taka af þeim umfram­rentu vegna þess að það er hættu­legt að fámennur hópur 100 manna verði svo ríkir að þeir eign­ist ekki bara allan sjáv­ar­út­veg heldur alla við­skipta­keðj­una, ótengdan rekstur, stjórn­málin og flytji svo slíkan ósóma út í formi spill­ingar í Namibíu og til dæmis Congo.“ skrifar Atli Þór í upp­hafi pistils­ins og heldur áfram. „Veiði­gjöld eru skatt­heimta til varnar lýð­ræð­inu og þetta vita stjórn­málin alveg. Það er póli­tísk ákvörðun að fórna spít­ölum, hafa hús­næð­is­markað í krísu, fjöl­miðla í krísu, eyði­leggja barna­bóta­kerfið, halda öryrkjum í fátækt­a­gildrum og geta ekki fjár­magnað ein­falda inn­viði svo sam­herjum megi úthluta almanna­gæðum til að stinga í eigin vasa.“

Segir Atli Þór að stjórn­máli hafi gert þetta vilj­andi, vit­andi hverjar afleið­ingar yrðu. Segir hann að við­brögð SFS sé leik­rit. „Það er ótrú­lega sorg­legt að sjáv­ar­út­vegs­ráð­herra þykj­ist ætla að búa til enn eina sátt­ina til þess eins að auka völd þess manna. Grátur og nöldur SFS vegna þessa frum­varps er leik­rit. Það er ekk­ert í því sem kallar eftir ósætti útgerð­ar­innar. Veiði­gjöld hækka um 800 millj­ónir ef frum­varpið fer í gegn í núver­andi mynd. Rentan var metin 51 millj­arður 2020. Veiði­gjöld ná ekki fyrir rekstri sam­fé­lags­ins á innviðum vegna sjáv­ar­út­vegs. Þetta er stéttapóli­tík hinna ríku en ekki getu­leysi til að skilja hvaða afleið­ingar þetta hefur.“

Segir hann enn­fremur að útgerðin hafi „leiki sama leik gagn­vart Íslend­ingum og tók­baks­fram­leið­endur og olíu­fyr­ir­tæki gerðu gagn­vart heim­inum ára­tugum saman.“ Og hann heldur áfram. „Gríð­ar­legum pen­ingum og orku hefur verið eytt í að þvæla málum, þykj­ast leita sátta, birta vil­hallar rann­sóknir og láta eins og málið sé miklu flókn­ara en þegar er vitað. Þau vita alveg skað­semi gjörða sinna og hafa gert það ára­tugum saman. Þetta er skipu­lögð áróð­urs­her­ferð gegn almenn­ingi, gegn þekk­ingu. Mark­miðið er og hefur alltaf verið að kenna fólki að efast um eigin getu til að skilja nokkurn hlut.“ Þá hæð­ist Atli Þór að orða­lagi frum­varps­ins en þar er talað um að kenna almenn­ingin „haflæsi“. „Það heldur áfram í frum­varpi Svan­dísar þar sem áhersla er lögð á að kenna almenn­ingi ‘haflæsi’ eins og vand­inn sé enn einu sinni aðal­menn­ingur skilji ekki neitt. Bjarni Ben vill líka sífellt kenna okkur fjár­mála­læsi og nú kannski ‘utan­rík­is­læsi’. Þetta er bull og ekki bara það heldur aróður gegn okkur fjár­magn­aður af okkur.“

Í loka­orðum sínum hvetur Atli Þór Íslend­inga til að standa saman gegn spill­ingu. „Stöndum saman gegn spill­ingu! Rentuna alla til sam­fé­lags­ins! Útgerð­ar­menn verða ekk­ert illa staddir með hagn­að­inn einan. Hagnað sem þeir sann­ar­lega þurfa að vinna fyrir.“