Davíð Örn Krist­jáns­son er ungur og efni­legur rit­höf­undur en hann var að gefa út sína fyrstu bók. Hún ber nafnið Anja og Nóra. Bókina skrif­aði hann með Vendula Frydrychová en hún er kærasta hans. Davíð fædd­ist á Bol­ung­ar­vík en flutt ungur í Árbæinn. Þegar Davíð er ekki að skrifa starfar hann sem sjó­maður og ferð­ast um heim­inn. Mannlíf ræddi við Davíð um bók­ina, lífið og til­ver­una.

„Bókin er um tvær tví­burastelpur á Íslandi sem vita ekki alveg hvað þær geta gefið for­eldrum sìnum í jóla­gjőf,“ sagði Davíð um hvað bókin fjallar um. „Hug­mynda­flug þeirra dregur þær um fal­lega Íslandið okkar. Þær sjá heim­inn í öðrum augum en full­orðnir gera og vilja gefa þeim fal­lega mán­ann og lit­ríku norð­ur­ljósin en það er ekki svo auð­velt. Falleg saga og mynd­irnar eru lista­verk.“.

En hver er inn­blást­ur­inn?

„Ég hef alltaf haft gaman að því að lesa fyrir börn og hef mikið gaman að lesa ákveðnar bækur sem eru vel mynd­skreyttar og flottar,“ sagði Davíð um málið. „Inn­blást­ur­inn að þess­ari bók voru dætur systur minnar, Anja og Nóra, og elska þær bók­ina mikið og er ég búinn að lesa bók­ina mörgum sinnum fyrir þær og þær vita sko alveg að þessi bók er um þær. Ég fékk þessa hug­mynd af því kærastan mín gjőr­sam­lega elskar að teikna Ísland og fal­legu lit­ina úr nátt­úr­unni þannig mér datt í hug að gera jóla­bók. Hún sagð­ist ekki getað samið sögu en elskar að teikna svo þannig byrj­aði það,“ en Davíð er ekki eini lista­mað­ur­inn í fjöl­skyld­unni.

„Yngsta systir mín var á lista­braut og stòð sig mjőg vel. Móðir mín hefur list­ina mikið í sér. Gerir fatnað, skrifar og teiknar. Málaði þegar ég var ungur, held ég. En mest af þeim öllum er það eldri bróðir minn. Hann hefur haldið fjöl­margar lista­sýn­ingar ì mörgum löndum og verið í mörgum hljóm­sveitum og gert margar plötur og lög og ker­amik og held ég að það sé haldið upp á Helgi Fest í minn­ingu hans í Leipzig, Þýska­landi.“

„Erum með enda­laust af mark­miðum. Okkur langar að gera meira Önju og Nóru og ekki bara bækur,“ sagði Davíð hvort að þau með ein­hver sett mark­mið. „Okkur langar að gera teikni­myndir líka. Ég elska að leika mér í for­ritum en minna í teikn­ing­unum en ef við sam­ein­umst getum við gert fal­lega teikni­mynd og er það næsta skref, já og fleiri bækur. Sér­stak­lega af því hversu góðar mót­tökur þessi fékk.“

„Ég verð senni­lega með annan fót­inn á sjó og hinn í Tékk­landi,“ sagði Davíð um hvað væri næst á dag­skrá hjá þeim. „Er að læra núna mikið um „online store“ og von­andi opnum við hana og er kæró mìn mik­ill lista­maður og ég sjàlfur hef gaman að skapa en ekki teikna og mála allt annað. Vonandi hrindum við því af stað ásamt von­andi fullt af öðrum skemmti­legum verk­efnum.“