Húsleiga er hagkvæmari en afborganir húsnæðislána á 80 fm fasteign á höfuðborgarsvæðinu, segir í nýrri frétt frá Húsnæðis- og mannvirkjastofnun. Mismunurinn getur hlaupið á 40 prósentum meiri fyrir íbúðaeigandann í fyrstu mánaðarlegu afborguninni, að því gefnu að kaupandinn taki óverðtryggt lán til 30 ára fyrir 70 prósent af kaupverði eignarinnar.
„Samanburðurinn á greiðslubyrði og leigu er þó ófullkominn, þar sem eignamyndun á sér stað samhliða afborgunum af íbúðalánum. Einnig þurfa íbúðaeigendur að greiða önnur föst gjöld, líkt og fasteignagjöld og tryggingar. Hins vegar má búast við að þróun leiguverðs haldist í hendur við þróun greiðslubyrðar af lánum til langs tíma, þar sem leigusalar taka mið af lánaafborgunum þegar þeir ákveða leiguverð,“ segir í fréttinni.
Á grafinu er áætlað leiguverð á 80 fermetra íbúð á höfuðborgarsvæðinu. Miðast var við meðalleiguverð á hvern fermetra frá janúar 2011, þróun þess var síðan mælt í samræmi við vísutölu leiguverð á svæðinu.
Einnig sýnir myndin greiðslubyrði á sambærilegri íbúð við fyrstu afborgun, miðað við meðalkaupverð í janúar 2011, og þróun mæld í samræmi við viðeigandi vísitölu.
100 þúsund króna munur á mánuði
Grafið sýnir hvernig húsaleiga íbúðarinnar hefur hækkað frá 109 þúsundum upp í 275 þúsund.
„Greiðslubyrði óverðtryggðs láns hefur hins vegar hækkað úr 75-85 þúsund krónum á mánuði og upp í 360-390 þúsund krónur á mánuði. Því er greiðslubyrði óverðtryggðs láns þessa stundina rúmlega 100 þúsund krónum meiri en leiga sambærilegrar íbúðar í hverjum mánuði.“
Athugasemdir