Óljóst fundarboð vekur athygli.
Samtökin 22 hafa boðað til leynifundar þar sem fjallað verður um tilraunir á börnum sem samtökin segja að eigi sér stað á Íslandi. Samtökin 22 eru samtök sem telja að Samtökin 78 sinni ekki lengur málefnum samkynhneigðra heldur hafi verið tekin yfir af trans fólki en telja Samtökin 22 að trans fólk glími geðræn við vandamál og séu í raun fórnarlömb samsæris án þess þó að geta sannað mál sitt á neinn máta.
„Tilraunameðferðir á börnum sem talið er að séu transfólk hefur þegar krafist margra fórnarlamba og fjöldi tilvísana í tilraunameðferðir, siðlausar og skaðlegar, er nú í sögulegu hámarki og í áframhaldandi veldisvexti. Þetta er tilraunastarfsemi í nákvæmlega sama anda og hinn frægi nasisti Dr. Mengele gerði í þriðja ríkinu og síðari heimsstyrjöldinni. Þetta verður að stöðva núna og efni til að binda enda á þetta er nú til staðar,“ segir meðal annars í fréttatilkynningu frá samtökunum.
Margt samkynhneigt fólk á Ísland hafnar þó þessum málflutningi og hafa Samtökin 22 verið kölluð haturssamtök sem ýta undir upplýsingaóreiðu. Eldur Deville, formaður samtakanna, hefur einnig ítrekað gert grín að trans fólki á samfélagsmiðlum og játað hatur sitt í þeirra garð.
Til þess að mega sækja leynifundinn þarf að sækja sérstaklega um það með nafni og símanúmeri en tveimur tímum fyrir fundinn verður staðsetning hans send með SMS-i og tölvupósti en fundurinn fer fram á Íslandi í næstu viku í samstarfi við erlend samtök.
Athugasemdir