„Það er búið að rýma allt í Svarts­engi og flestir farnir út Grinda­vík. Það eru þó við­bragðs­að­ilar þar enn þá,“ sagði Víðir Reyn­is­son í sam­tali í útvarps­fréttum Rásar tvö nú klukkan fimm. Hann segir að svo­lít­ill fjöldi fólks hafi verið kom­inn í bæinn svo verið sé að fara yfir stöð­una.

„Þetta er bara búið að ganga mjög vel,“ bætir Víðir við.

Næstu skref hjá ykkur?

Víðir segir að nú sé bara að bíða og sjá. Annað hvort sé þetta kviku­hlaup sem endi með gosi eða ekki. Hann segir að eftir því sem fram vindur sýn­ist vís­inda­mönnum að kviku­hlaupið sé að stefna til suð­urs – Nær Grinda­vík.

„Við verðum bara að sjá til hvað ger­ist á næstu klukku­tímum,“ segir Víðir.

Eru allir við­bragðs­að­ilar komnir á sinn stað?

„Það er allt klárt og verk­tak­arnir sem voru að vinna hvað næst þessum stöðum eru farnir og búið að koma öllum tækjum frá. Svo það eru allir öruggir,“ segir Víðir að end­ingu við frétta­mann Rík­is­út­varps­ins.