Rannsókn á líkamsárás á gest Samtakanna 78 ekkert miðað áfram: „Það liggur enginn undir grun“

Rannsókn á lík­ams­árás sem gerð var á sept­em­ber í fyrra, gengur illa.

Greint var frá því í sept­em­ber að ráð­ist hafi verið á ráð­stefnu­gest á vegum Sam­tak­anna 78 og hafi ráð­stefnu­gest­ur­inn verið kýldur í and­litið með þeim afleið­ingum að tennur í honum brotn­uðu og þurfti að flytja við­kom­andi á sjúkra­hús. 

„Þetta voru tveir aðilar sem réð­ust á hann. Hann var sem­sagt að labba frá kvöld­verð­inum upp á hótel þegar hann tekur eftir tveimur ein­stak­lingum hinum megin við göt­una sem fylgd­ust með honum. Svo koma þeir aftan að honum og ráð­ast á hann,“ sagði Daníel E. Arn­ars­son, fram­kvæmda­stjóri Sam­tak­anna ’78, í við­tali við Vísi um málið þegar það kom upp. Í októ­ber sagði Grímur Grímsson, yfir­lög­reglu­þjónn hjá mið­lægri rann­sókn­ar­deild Lög­regl­unnar á höf­uð­borg­ar­svæð­inu, að engar hand­tökur hafi verið gerðar og ekki væri neinn grun­aður um árás­ina.

Mannlíf hafði sam­band við Grím til að spyrja hver staðan væri á þess­ari rann­sókn í dag. „Það er sama staða hvað þessa rann­sókn varðar. Það liggur eng­inn undir grun varð­andi árás­ina og henni hefur því miður ekki miðað áfram síð­ustu mán­uði,“ sagði Grímur.