Líkt og Mannlíf hefur áður sagt frá mun bók um hljóm­sveit­ina Sigur Rós brátt líta dags­ins ljós, á íslensku, ensku og síðar á árinu, á japönsku. Höfundur bók­ar­innar er Svanur Már Snorra­son og ber hún nafnið … það besta sem guð hefur skapað … Von sem varð að Ágætis byrjun – Sagan af Sigur Rós. Bók­ar­kápan er óvenju glæsi­leg og það er lista­mað­ur­inn Gotti Bernhöft sem á heið­ur­inn af henni, en eins og margir muna eflaust, þá teikn­aði Gotti mynd­ina á hið fræga plötu­albúm Ágætis byrjun fyrir 25 árum síðan.

Hann segir að „við vinnslu á teikn­ing­unum fyrir Ágætis byrjun kom upp nafnið Avalon fyrir karakt­er­inn sem fæð­ist þarna á for­síðu; Avalon byrjar sitt líf sem geim-eng­ils fóstur sem fæð­ist og þroskast svo yfir í að vera flugu­frelsandi Star­álfur. Þannig verður Ágætis byrjun ein­hvers­konar þroska­saga Avalon sem og þroska­saga Sigur Rósar. Með vinnslu og svo útkomu Ágætis byrj­unar horfði ég upp á ein­stak­ling­ana í hljóm­sveit­inni fæð­ast og þroskast; þannig að á sama hátt og þeir fæða Ágætis byrjun og Avalon þá fæðir Ágætis byrjun og Avalon þá.“

Aðspurður um bók­ar­kápuna og hina nýju teikn­ingu af Avalon segir Gotti: „Hug­myndin er sú að Avalon haldi á nýfæddum Sigur Rósara – eins og for­eldri eða upp­alandi. Og hug­myndin fædd­ist í höfð­inu á mér eins og hug­myndin að Ágætis byrjun teikn­ing­unni – við fyrstu snert­ingu við text­ann.“

Gotti nefnir að „Ágætis byrjun kom út löngu fyrir daga Spotify, þannig að fólk keypti diskinn og náði þar af leið­andi góðri teng­inu við mynd­ina.“ Þá nefnir hann að „dag­lega koma upp tengsl mín við Ágætis byrjun, sér­stak­lega erlendis. Reglu­lega fæ ég sendar myndir af Avalon tattúi eða fyr­ir­spurn um að end­ur­teikna Avalon og ég hef haldið sýn­ingar erlendis – til dæmis í Tokyo – með ein­ungis teikn­ingum frá Ágætis byrjun.“ Þeir sem eru áhuga­samir um að kaupa nýja mynd af Avalon eftir Gotta geta sent honum fyr­ir­spurn á Instagram (https://www.instagram.com/gotti_bernhoft/).