Unglingur úr Laugardalnum fékk á dögunum ljósmynd af sér með NBA-stjörnu fyrir utan höll New York Knicks.
Móðir Hjalta Björnssonar, skrifaði skemmtilega færslu á Facebook um helgina en þau mæðgin eru ásamt föður Hjalta, tónlistarmanninum Birni Kristjánssyni eða Borko eins og hann kallar sig oft, stödd í New York um þessar mundir. Eitt af því sem fjölskyldan tók sér fyrir hendur í borginni sem aldrei sefur, var að fara á NBA leik hjá New York Knicks. Hjalti á sér uppáhalds leikmann hjá liðinu en það er leikstjórnandinn Miles McBride. Útbjó Hjalti skilti sem á stóð að hann hefði komið alla leiðina frá Íslandi til að sjá McBride spila, í þeirri von um að stjarnan sæi en öryggisvörður tók skiltið af honum. En Hjalti dó ekki ráðalaus en leyfum móður hans að lýsa því sem gerðist þetta magnaða kvöld hjá fjölskyldunni:
„Ruglaður dagur í gær! Við Björn Kristjánsson og Hjalti Björnsson skelltum okkur á New York Knicks leik. Draumur Hjalta var að hitta Miles “Deuce” McBride, uppáhalds leikmann sinn. Smá bras fyrir leik þar sem heimagert skilti var gert upptækt af öryggisvörðum en drengurinn dó ekki ráðalaus heldur bjó til annað úr því ódýrasta sem hægt var að versla í merchinu, innkaupapoka. Valgeirsættarþrjóskan skilaði svo tilætlaðum árangri þegar mister McBride sá drenginn sitja fyrir honum fyrir utan leikvanginn að leik loknum, vippaði sér út úr bílnum og fékk sjálfu með þessum upprennandi leikmanni Ármanns og áritaði treyjuna hans! Sturlað dæmi.“
Hér má svo sjá nokkrar ljósmyndir frá kvöldinu:
Kúltúrinn
Hundurinn hans Dwayne Johnson dó í nótt: „Ég hef verið dofinn yfir þessum missi“
DJ Khaled og 6ix9ine fengu báðir óhugnanlegar líkkistur sendar heim til sín: „RIP Drake“
Friðrik Dór hugsar um lygar
Myrkvi gefur út þriðju breiðskífu sína – Vonast til þess að slá vopnin úr höndum tímans
Bubbi og Frikki Dór styðja fórnarlömb þjóðarmorðsins á Gaza
Athugasemdir