Seðlabankinn heldur vöxtum óbreyttum – Þrálát verðbólga

Seðla­banki Íslands opin­ber­aði yfir­lýs­ingu Pen­inga­stefnu­nefndar rétt í þessu og var ákveðið að halda vöxtum bank­ans óbreyttum. „ Meg­in­vextir bank­ans, vextir á sjö daga bundnum inn­lánum, verða því áfram 9,25%,“ segir í yfir­lýs­ing­unni frá nefnd­inni.

Nefndin bendir á að verð­bólga hafi minnkað lít­il­lega í síð­ast­liðnum mán­uði og mælst 6,6 pró­sent, en bendir á að verð­bólgan sé enn vel yfir vænt­ingum og því líkur á að hún verði áfram þrá­lát.

„Nýleg end­ur­skoðun Hagstofu Íslands á þjóð­hags­reikn­ingum sýnir að hag­vöxtur á síð­ustu árum var meiri en fyrri tölur bentu til. Spennan í þjóð­ar­bú­inu virð­ist því vera umfram það sem áður var talið. Áfram hægir þó á vexti efna­hags­um­svifa enda er taum­hald pen­inga­stefn­unnar tölu­vert,“ kemur fram í yfir­lýs­ing­unni frá Pen­inga­stefnu­nefnd­inni.

Kjarasamningarnir litlu breytt

Þá hefur óvissan minnkað eftir und­ir­ritun kjara­samn­inga á almennum vinnu­mark­aði og bundu margir vonir við að Seðla­bank­inn myndi lækka vexti sökum þessa.

„Spennan í þjóð­ar­bú­inu gæti þó leitt til þess að launa­skrið verði meira en ella. Einnig gætu aðgerðir í rík­is­fjár­málum aukið eft­ir­spurn og verð­bólgu­þrýst­ing,“ segir í yfir­lýs­ing­unni.

“Mótun pen­inga­stefn­unnar á næst­unni mun sem fyrr ráð­ast af þróun efna­hags­um­svifa, verð­bólgu og verð­bólgu­vænt­inga.“