Hera Björk svarar fyrir sig: „Mér finnst framkoma Ísraels við palenstínsku þjóðina vera hræðileg“

Hera Björk Þór­halls­dóttir svarar fyrir við­talið sem hún fór í hjá ísra­elskum Eurovision-miðli í gær.

Mannlíf sagði frá því í morgun að mikil reiði sé á sam­fé­lags­miðl­unum á Íslandi vegna orða sem höfð voru eftir söng­kon­unni Heru Björk Þór­halls­dóttur en hún var í við­tali í gær við ísra­elskan Eurovision-miðli en þar mærði hún fram­lag Ísraela í Eurovision-keppn­inni í ár og að hún von­aði að Ísraelar væru öryggir. Hera Björk sendi línu á Mannlíf þar sem hún vildi koma sínum sjón­ar­miðum á fram­færi:

„Vegna frétta af við­tali sem sem tekið var í Madrid fyrir ísra­elska blogg­síðu og mér hafa verið gerðar upp skoð­anir um ástandið í Palest­ínu út af, þá vil ég koma eft­ir­far­andi á fram­færi svo eng­inn mis­kiln­ingur sé um það:

Mér finnst fram­koma Ísraels við palen­stínsku þjóð­ina vera hræði­leg og til skammar. Að börn þjá­ist finnst mér alltaf vera skelfi­legt og hvað þá þegar heil þjóð þjá­ist eins og núna er staðan. Ég hef verið í Palest­ínu og hjálpað til við að fjár­magna heim­ili fyrir mun­að­ar­laus börn þar, svo ég hef séð með eigin augum hvernig er búið að fara með þetta fólk. Ég er á móti stríði. Ég kalla á eftir friði og er á móti því að fólk tali ekki saman og beiti ofbeldi.“