Á sunnudaginn hækkar viðvörunarstig vegna snjóflóðahættu á Austfjörðum upp á fjórða stig sem þýðir mikla hættu samkvæmt nýjustu spá Veðurstofunnar.
Samkvæmt Austurfrétt hefur snjóflóðahætta verið viðvarandi í nokkurn tíma á Austfjörðum og talsvert mörg flekaflóð fallið, bæði í Seyðisfirði og á Eskifirði síðustu sólarhringana. Í fyrradag greindi miðillinn frá því að nokkuð stórt flekaflóð hafi fallið fyrir ofan Eskifjörð. Þegar þau flóð féllu var viðvörunarstigið enn á þriðja stigi.
Samkvæmt hættutöflu snjóflóða er á fjórða stigi „talið líklegt að flóð falli víða í bröttum brekkum og það jafnvel við lítið álag á snjóþekjuna. Við sérstakar aðstæður geta fallið fjölmörg miðlungsstór og oft á tíðum stór náttúruleg flóð.“
Í útskýringum Veðurstofunnar um aukna hættu, segir að lagskiptir flekar hafi um páskana myndast í NA-éljagangi en þeir gera verið óstöðugir. Hættan er fyrst og fremst af mannavöldum á meðan veðrið er gott en um helgina er spáð frekar snjókomu og þar með stóreykst hættan á stærri flóðum af náttúrunnar völdum.
Veðurstofan beinir því til ferðafólks á fjöllum að gæta ýtrustu varúðar og forðast eftir bestu getu brattar brekkur.
Náttúruhamfarir
Búast má við stórum skjálfta í Brennisteinsfjöllum: „Auðvitað ekki langt frá höfuðborgarsvæðinu“
Eitt prósent líkur á að loftsteinn lendi á jörðinni 2032: „Kannski er best að slökkva á fréttunum“
Sérfræðingar bíða átekta: „Staðan við Svartsengi er nú í raun þannig að beðið er eftir eldgosi“
Ósáttur við orð Magnúsar um brottflutta Grindvíkinga: „Allur hetjuskapur hverfur með viðhorfi hans“
Hringvegurinn lokaður á tveimur stöðum vegna snjóflóða – Óvissustig á Fagradal
Athugasemdir