Grind­vík­ing­ur­inn Björn Birg­is­son er allt annað en sáttur við sam­borg­ara sinn, Magnús Gunn­ars­son sem kallar bæj­ar­stjóra Grinda­víkur og þá bæj­ar­búa sem fluttu úr bænum vegna tíðra eld­gosa, lufsur, í nýrri Facebook-færslu.

„Lufsur!

Elsku­legur sam­borg­ari í Grinda­vík til margra ára, Magnús Gunn­ars­son, var að end­ur­birta mynd­band með sér­stakri úttekt og umsögn um bæj­ar­stjóra Grinda­víkur og þá sam­borg­ara sína sem fluttu burtu og eru margir að velta fyrir sér hvort gáfu­legt sé að flytja heim eða ekki.
Margir eru að hug­leiða snjallan milli­leik með því að gera holl­vina­samn­ing við Þórkötlu og máta sig þannig við Grinda­vík að nýju.

Það erum við að gera.“ Þannig hefst Facebook-færsla sam­fé­lags­rýn­is­ins frá Grinda­vík, Björns Birg­is­sonar sem hann birti í gær. Segir hann Magnús kalla bæj­ar­stjór­ann og brott­flutta Grind­vík­inga lufsur:

„Þessi elsku­legi Magnús hefur þá trú á bæj­ar­stjór­anum og brott­fluttum að hóp­inn þann – yfir­gnæf­andi meiri­hluta bæj­ar­búa – kallar hann lufsur.
Hann velur þá drengi­legu umsögn um vel á fjórða þús­und sam­borg­ara sína.
Fram­tíð­ar­horfur þessa elsku­lega Magnúsar fyrir Grinda­vík eru:
„Hér verða senni­lega bara útlend­ingar í fram­tíð­inni, harð­dug­legt fólk. Ekki þessar lufsur sem flýðu af hólmi og sést hvorki tangur né tetur af.“
Síðan veit hann full­vel að „nú móðg­ast ein­hverjir, en hverjum er ekki slétt sama!““
Björn seg­ist ekki telja að nokkur móðg­ist alvar­lega, þar sem fáir taki mark á orðum Magnúsar.

„Held að eng­inn móðg­ist neitt alvar­lega, því ég er þess full­viss að afskap­lega fáir taka mark á orðum þessa elsku­lega Magnúsar, sem af ein­hverjum hvötum telur sig ítrekað þurfa að drulla yfir hluta bæj­ar­stjórnar Grinda­víkur, bæj­ar­stjór­ann og svo eitt­hvað á fjórða þús­und sam­borg­ara sinna, að ekki sé nú minnst á aðra sem komið hafa að mál­efnum bæj­ar­ins eftir rým­ing­una í nóv­em­ber 2023.“

Að lokum segir Björn að hetju­ljóm­inn sem Magnús telji umlykja sig hverfi vegna við­horfa hans til sam­borg­ara sinna og segir hann „ekki neitt aðdrátt­ar­afl“ fyrir þá sem hug­leiða að flytja aftur heim í Grinda­vík.

„Líklega lítur hann á sig sem hetj­una sem ekki hopaði af hólmi, en allur hetju­skapur hverfur með við­horfi hans og skammar­legu fram­ferði gagn­vart öðru fólki.
Mér vit­an­lega hefur ekk­ert af þessu fólki gert þessum elsku­lega Magnúsi nokkurn skap­aðan hlut, en lík­lega sæk­ist það ekk­ert sér­stak­lega eftir sam­vistum við hann eftir þessar köldu kveðjur hans til brott­fluttra sam­borg­ara sinna.
Hann er alla vega ekki neitt aðdrátt­ar­afl fyrir fólk sem enn er að hug­leiða heim­flutn­ing í fram­tíð­inni.
Þvert á móti.“