„Ný ríkissstjórn um helgina? Það verður þá ríkisstjórn án fylgis!“ Þannig hefst Facebook-færsla Björns Birgissonar samfélagsrýnis frá Grindavík sem birtist í gær.
Björn, sem oft er með puttann á púlsinum og hittir naglann iðulega á höfuðið, segir „grátbroslegt“ að fylgjast með „fíflaganginum“ í íslenskum stjórnmálum þessa dagana, í nýlegri færslu á Facebook. „Það er grátbroslegt að fylgjast með fíflaganginum sem nú á sér stað í pólitíkinni. Hræðslan við kosningar er algjör hjá stjórnarflokkunum, enda hafa ekki nema um 47 þúsund kjósendur frá kosningunum 2021 snúið við þeim baki, en það segir okkur hver könnunin af annarri og niðurstaðan því ágætlega marktæk!“
Þá segir Björn að nú sé tími Kristrúnar Frostadóttur runninn upp.
„Nú er pexað um hvor eigi að verða forsætisráðherra, Sigurður Ingi Jóhannsson, sem búinn er að tapa 19900 atkvæðum, eða Bjarni Benediktsson með 12300 atkvæði töpuð!Augljóslega vill þjóðin að hvorugur þessara manna leiði ríkisstjórnina nú – þeirra tími er liðinn og tími Kristrúnar Frostadóttur er runninn upp!Þetta eru bara skíthræddir litlir kallar sem þora alls ekki í kosningar!Grátbroslega hlægilega litlir í sér þegar á reynir!“
Athugasemdir