Í nýju við­tali ræðir dans­ar­inn og leik­konan Gunnella Hólmars­dóttir meðal ann­ars um æsku sína í Breið­holti en hún ólst upp í Kríu­hólum. „Ég er algjör gettópía og það hafði mikil áhrif á mig. Ég á rosa­lega flottan og góðan vina­hóp vin­kvenna sem fylgja mér enn í dag, algjörir englar,“ sagði Gunnella í við­tal á RÚV. „Við fengum þetta ein­staka tæki­færi til að alast upp í Hólunum sem að er virki­lega karakt­er­skap­andi.“

Hún flutti þó í 10. bekk til Kefla­víkur og var dans­inn númer eitt hjá henni. „Lífið sner­ist algjör­lega um dans­inn.“

Gunnella er um þessar mundir að sýna Hvað ef sósan klikkar og er hún sýnd í Tjarn­ar­bíói og hefur hún slegið í gegn. Frábærar við­tökur, nú er búið að bæta við fjórum auka­sýn­ingum og þetta hefur verið því­líkt ævin­týri,“ sagði Gunnella en sýn­ingin er skrifuð út frá rann­sókn­ar­spurn­ingu um áhrif mat­reiðslu­bóka á tauga­á­föll kvenna. Gunnella fékk sjálf tauga­á­fall árið 2016 og ákvað í fram­haldi af því að hugsa betur heils­una og hóf að stunda jóga og göngu.

„Ég fjár­festi í heils­unni og keypti mér geggj­aða göngu­skó sem ég er rosa mikið í. Dansinn skiptir mig miklu máli en mér finnst alveg æðis­legt að fara út í nátt­úr­una með hund­inn Fróða, taka góðar göngur. Mér finnst ég fá bestu hug­mynd­irnar í göngut­úrum eða í sturtu svo mér fannst alveg til­valið að hvetja fólk til að fara út að labba.“