Landskjörstjórn kemur sér fyrir í Hörpu: „Til þess að auðvelda yfirferð“

Í frétta­til­kynn­ingu frá Lands­kjör­stjórn kemur fram að hún taki á móti fram­boðum til for­seta Íslands í Hörpu en hægt verður að skila fram­boð­unum milli 10:00 og 12:00 þann 26. apríl. Kosið verður til for­seta Íslands þann 1. júní næst­kom­andi og þurfa fram­bjóð­endur að skila lista sem inni­heldur að minnsta kosti 1500 með­mæl­endur.

Hægt er að lesa alla til­kynn­ingu Lands­kjör­stjórnar hér fyrir neðan:

Lands­kjör­stjórn kemur saman til fundar og tekur við fram­boðum til for­seta Íslands frá klukkan 10:00 – 12:00 föstu­dag­inn 26. apríl 2024 í fund­ar­her­berg­inu Stemmu í Hörpu.

Fram­boðum skal fylgja:

• Til­kynn­ing um fram­boð.
• Und­ir­ritað sam­þykki fram­bjóð­enda fyrir því að fara í fram­boð.
• Meðmæli 1.500 – 3.000 kosn­inga­bærra manna.

Lands­kjör­stjórn hefur útbúið snið­mát af fram­boðstil­kynn­ingu sem fram­bjóð­endum er frjálst að nota.

Sé með­mælum skilað á raf­rænan hátt í gegnum með­mæl­enda­kerfi á Ísland.is skal taka það fram í til­kynn­ing­unni.

Ef með­mælum er skilað á pappír skal skila inn frum­ritum með­mæla­blaða. Mælst er til þess að fram­bjóð­endur núm­eri hverja blað­síðu og slái inn kenni­tölur með­mæl­enda í töflu­reikni (s.s. Excel) til þess að auð­velda yfir­ferð. Hægt er að nálg­ast snið­mát fyrir inn­slátt­inn á For­seta­kosn­ingar 2024 | Ísland.is (island.is)

Fram­boðstil­kynn­ingu má und­ir­rita eigin hendi eða með raf­rænni und­ir­ritun. Ef til­kynn­ingin er und­ir­rituð raf­rænt skal hún send á [email protected].

Eftir að fram­boðs­frestur rennur út, klukkan 12:00 þann 26. apríl næst­kom­andi, fer lands­kjör­stjórn yfir fram­boðin og kannar að öll forms­skil­yrði séu upp­fyllt og úrskurðar í kjöl­farið um gild fram­boð.